Gure gizartean alkoholak presentzia handia du egunerokoan: poteoan, ospakizunetan… Droga onartua da eta, beharbada horregatik, kalte handia egiten du. Alcoholicos Anonimos (AA) elkartearen Urretxkou eta Zumarragako taldean 53 urte daramatzate alkoholismoaren aurka borrokan. Ostiralerako hitzaldia antolatu dute.
Hitzaldiaren izenburua Alkoholarekin arazoak al dituzu? da (gazteleraz izango da). Zumarragako Zelai Arizti kultur etxean egingo dute, 18:30ean. Osasun munduko profesional batek, AA elkarteko bi kidek eta Al-Anon elkarteko kide batek parte hartuko dute. Al-Anon alkoholikoen senitartekoen elkartea da.
AAren Urretxu-Zumarragako taldeak Irimo-Beloki du izena eta 53 urte ditu. Gipuzkoako hirugarren zaharrena da. Hasieran Legazpi kaleko lokal batean elkartzen ziren. Bilerak egiten dituzte, terapia saioak, gaixoek edateari utzi eta gaitzarekin bizitzen ikasi dezaten.
Egun Iparragirre hiribidean elkartzen dira, anbulatorioa zegoen tokian. Bilerak astelehenetan eta ostegunetan izaten dira, 19:00etatik 21:00etara. Terapia saio gehiago nahi dituztenek, beste herrietako taldeen bileretara ere joan daitezke.
Urretxu-Zumarragako taldeko kideek gizarte zerbitzuekin, farmaziekin, osasun zentroekin, ikastetxeekin, Ertzaintzarekin eta adin txikikoen zentroarekin lan egiten dutela diote. Helburua, alkoholarekin arazoak dituztenek beraiekin harremanetan jartzea da. Harremanetarako elefono zenbakiak honakoak dira: 629 14 18 74 eta 943 24 87 47. «Lanaren %50 guri dagokigu eta beste %50a edateari utzi nahi dion pertsonari. Zailena arazo bat duzula onartzea da».
Edateari utzi nahi diotenei erremintak eskaintzen dizkiete. «Edaten genuenean nola bizi ginen eta egun nola bizi garen azaltzen dugu. Gaixo bat gure lokalera etortzen denean, edan gabe oso ondo bizi dela ikusarazi behar diogu. Gure arazo berbera duela konturatzen bada, lehen pausoa eman du. Lehen bilera bakarka egiten dugu berarekin eta ondoren taldeko bileretan parte hartzen du. Guk eskaini diezaiokeguna baino laguntza handiagoa behar duela ikusten badugu, medikuarengana joatea gomendatzen diogu. Izan ere, asko estres handiarekin heltzen dira».
Betirako alkoholiko
Argi utzi nahi dute alkoholikoak ez diola sekula alkoholikoa izateari uzten: «Gaixotasun hau gelditu egin daiteke, baina berriro edateari ekiten badiogu, berriro martxan jarriko da. Ez diogu sekula gaixo alkoholikoak izateari uzten».
Beste gaixo batzuekin elkartzea oso lagungarria da. «Denok zulo beretik pasa gara eta antzeko esperientziak bizi izan ditugu. Hori dela eta, oso lagungarria da beste batzuekin hitz egitea. Alkohola besteen laguntzarik gabe uztea oso zaila da. Gure elkartera jotzeak arazoa identifikatzen, talde bateko kide senitzen eta indarra hartzen laguntzen du. Ahul sentitzen garenean, taldeko kideez gogoratzen gara: ez diegu kale egin nahi eta horrek edan gabe agoantatzeko indarra ematen digu. Askok 20 urte baino gehiago daramatzagu bileretara etortzen. Besteei laguntzeko, baina baita arriskua hor dagoela gogoratzeko eta gorabehera emozionalei aurre egiteko. Izan ere, trago bakar batek urteetako lana pikutara bidali dezake».
Ez daude alkoholaren aurka, jendeak komeni zaiona baino gehiago edatearen aurka baizik. «Tabernariek mozkortuta dagoen bati edaten ematea oso gaizki iruditzen zaigu. Ikastetxeetan ematen ditugun hitzaldietan gazteek alkoholikoa arazoaz noiz jabetzen den galdetzen digute. Lagunekin irteten direnean edateko premia badute, arazo bat dute. Edaten dutenean edaten ez dutenean baino gusturago badaude, arazo bat dute. Astebururo etxera mozkortuta itzultzen badira, arazo bat dute. Egun, 30-40 elkartzen dira eta gehien edaten duena, txapeldun. Hori oso txarra da. Eta geroz eta neska gehiagok edaten dute. Gure taldean gazte batzuk ditugu. Egun, bileretan 14-15 lagun elkartzen gara. Garai batean 30 baino gehiago elkartzen ginen. Gure ustez, gizarteak garai batean baino argiago du alkoholak arazoak sor ditzakeela».
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.