Otamotz

Goierriko Hitza Goiberri

Albisteak

Elixabet Mendiak margo erakusketa irekiko du bihar Zumarragan

Elixabet Mendiak margo erakusketa irekiko du bihar Zumarragan
iraila 04
09:14 2019

Elixabet Mendia margolariak akuarela erakusketa irekiko du bihar, 19:00etan, Zumarragako Zelai Arizti kultur etxean. Margolanak hilaren 15era arte egongo dira bertan. Erakusketa aretoa 17:30etik 20:30era irekitzen dute astelehenetik ostiralera eta 12:00etatik 14:00etara eta 18:00etatik 20:30era larunbat eta igandetan.

Mendia amaren eskutik zaletu zen. «Amaren familiak eskulanetarako trebezia du. 11 urterekin Felix Vaquerizaren eskolara jo nuen eta ordutik ez diot ikasteari utzi. Nire denbora librean margotzea eta margotzen ikastea gustatzen zait. Ez nuen Arte Ederrak ikasi, baina ikastaro asko egin ditut. Ahal ditudan guztiak. Zure buruari erronkak jarri behar dizkiozu».

Duela hiru urte akuarela ikastaro batean izena eman zuen. «Ez nuen topatzen non ikasi, akuarela irakasle gutxi baitaude. Izan ere, teknika zailena da. Arrasateko margo taldean sartzea lortu nuen eta han ikasi dut dakidan guztia».

Akuarelekin margotzea ez da batere erraza. «Olioarekin margotzera ohituta nago. Kalean margotzea gustatzen zait, hasi eta bukatu. Akuarelarekin, berriz, oso ondo pentsatu behar da. Urak bere bidea egiten du eta ez dago egindakoa konpontzerik: gaizki egindakoa gaizki gelditzen da. Baina arina da: lau tramankulurekin edozein tokitara joan zaitezke margotzera».

Elixabet_Mendia-1

«Felix Vaquerizorengana jo nuen 11 urterekin
eta ordutik ez diot ikasteari utzi»

«Akuarelarekin ondo pentsatu behar da,
ez baitago egindakoa konpontzerik»

Zumarragako erakusketan kostaldean margotutako koadroak ikusi ahal izango dira, batez ere. «Udan margotzeko denbora gehiago dut. Gainera, aire librean margotzea gustatzen zait. Aurtengo udan San Vicente de la Barqueran egon naiz eta iaz Arcachon-en. Zumaian, Hendaian, Plentzian… margotutako koadroak ere ikusi ahal izango dira. Zumarragan eta Urretxun margotutako lanak ere jarriko ditut. Bestalde, koadroetan pertsona asko sartu ditut. Izan ere, azken urteetan Josu Marotoren giza irudi ikastaroetan parte hartu dut».

Etorkizunera begira, ikasten jarraitu nahi du. «Margo akrilikoekin margotzen ere ikasi nahi dut. Gauza asko ditut ikasteko oraindik. Nire amak esmalteak egin izan ditu eta hori ere ikasi nahi dut. Zerrenda luzea dut. Arte plastikoetan, aukera oso zabala da. Gaur egun ordenagailuarekin ere lan egin daiteke. Dena den, niri ez zait gustatzen. Emaitzak harrigarriak dira, baina nik pintzela behar dut».

Toki guztietara pintzelak eramaten ditu, baina horrek ez dio etxekoekin arazorik sortzen. «Senarrak eta biok asko bidaiatu dugu. Bere zaletasuna bizikletan ibiltzea da eta nirea margotzea eta bidaietan biok gure zaletasunak lantzeko aukera dugu. San Vicente de la Barqueran goizero astoarekin irten naiz etxetik. Niretzat oporrez gozatzea margotzea da».

Elkarbanatu

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

8 + 6 =


Iruzkin berriak

Sebas Iturriotz: Bihotzekoa eman dio erdarakada ("Kalko okerra") da, bihotzekoak jo du edo bihotzekoak jota hil da [...]

Amaia Etxaniz: Ni Oskarbik kaleratu dituen 7 langileetako bat baiz. Pertsona guztiak bezala nire defektuak baditut, baiña [...]

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]