Otamotz

Goierriko Hitza Goiberri

Albisteak

Esgrima historiko lehiaketa egingo dute asteburuan Zumarragan

Esgrima historiko lehiaketa egingo dute asteburuan Zumarragan
ekaina 13
09:57 2019

Torneo del Hierro esgrima historiko txapelketaren hirugarren edizioa larunbatean eta igandean jokatuko da Zumarragako Beloki pilotalekuan, Espainiako Esgrima Historiko Federazioak eta Zumarragako Armetxeak antolatuta. Espainiako 50 bat esgrima tiratzailek parte hartuko dute eta sarrera doan izango da.

Txapelketa 09:00etan hasiko da, ongi etorriarekin. Ondoren, 09:30ean, beroketa egingo dute. 10:00etan ezpata luze txapelketa hasiko da. Ordu berean, Miguel Angel Juarezek arropa-ezpata ikastaroa emango du.

13:30ean geldialdia egingo dute bazkaltzera joateko eta 16:00etan arropa-ezpata txapelketa hasiko da. Ordu berean, Patricia Castañedak ezpata luze ikastaroa emango du. Larunbateko jardunaldia 20:00etan amaituko da eta 21:30ean senidetasun afaria egingo dute.

Igandeko saioa

Igandeko beroketa saioa 09:00etan izango da. 10:00etan sable txapelketa hasiko da eta saio libreak egongo dira. 12:00etan hiru txapelketetako finalak jokatuko dira eta 13:30ean dominak banatuko dituzte. Esgrima historikoak kirola eta kultura uztartzen ditu. Erdi Arotik XIX. mendera arte arma bezala erabili ziren ezpatekin egiten da.

Jarduera hau duela urte gutxi heldu zen Zumarragarra, Juarezen eskutik. Gazte hau Alacantetik etorri zen eta Zumarragako Armetxea elkartea sortu zuen. Orain arte erakustaldiak antolatu dituzte, baina aurten Torneo del Hierro delakoa ekarri dute. «Duela bi urte Zallan antolatu zen eta iaz Kantabrian. Zumarragako Udalak jarduera bereziak babesteko ohitura du eta gure proposamena begi onez ikusi zuen», aipatu du.

Asteburuan 60 lagun inguru elkartuko dira Zumarragan. Batzuk txapelketetan parte hartuko dute eta beste batzuk ikastaroetan. 200-300 lehia inguru egongo dira.

Zumarragako Armetxeak beste ekitaldi bat ere antolatu du, Santa Isabel jaietarako: hilaren 30ean erakustaldia egingo dute Antioko baselizaren kanpoaldean. Ermita eraiki zen garaiko esgrima egingo dute. Erakustaldia 11:30ean hasiko da eta ordu eta erdiko iraupena izango du.

Elkarbanatu

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

9 + 6 =


Iruzkin berriak

Ortzi: Ez kezkatu Igor, oposizioko liberatuak argituko dizkigu zalantza guztiak [...]

Igor: Liberazioekin pasatzen ari dena udal mailan ikaragarria da. Ya ez da bakarrik Urretxu batek 4 [...]

Eki: Joder Bildu, beti liberazioen aurka (alkatearena izan ezik) eta orain Zumarragan 4 liberazioen alde!!! Polítika [...]

Urretxu: Interesgarria bai, baina kultura eta hizkuntza aniztasun hori non biltzen da? Aniztasuna biltzen duena gaztelania [...]