Otamotz

Goierriko Hitza Goiberri

Albisteak

Irrintzi dantza taldearen erromeria

Irrintzi dantza taldearen erromeria
urtarrila 16
10:09 2017

Urretxu eta Zumarragako Irrintzi dantza taldeak hainbat ekitaldi antolatu ditu 50. urteurrena ospatzeko: bost erromeria, bi jaialdi eta herri bazkari edo afari bat. Lehen erromeria atzo egin zuten, Zumarragako plazan.  Eguraldiak ez zuen lagundu, baina trikitilariak jotzen hasi eta berehala berotu ziren.

Bigarren erromeria martxoaren 19an izango da. 12:00etan hasiko da, Zumarragako plazan, eta hortik bi herrietako beste toki batzuetara joango dira. Hirugarrena Eitzako jaietan egingo dute:?maiatzaren 14an, 18:00etan. Laugarrena geltokietako jaietan egingo dute eta bosgarrena Agiña auzoko festetan.

Irrintzi dantza taldekoek bi jaialdi ere antolatu behar dituzte. Lehenengoa apirilaren 8an izango da. Urte hauetan guztietan Irrintziko kide izan diren dantzari eta musikariek parte hartuko dute. Bi herrietako plazetan dantza egingo dute eta ondoren lunch bat egongo da.

Bigarren jaialdia uztailaren 14an izango da. Antxiñako Ama txistulari taldekoekin batera antolatuko dute, hauek ere 50. urteurrena ospatu behar baitute 2017an. Eguraldi ona egiten badu Zelai Arizti parkean izango da eta txarra egiten badu Beloki pilotalekuan.

Irailean, Urretxuko Euskal Jaian, inude eta artzainen konpartsa aterako dute. Dantzari ohiei parte hartzeko aukera emango diete. Izena emateko, irrintzidantzataldea@gmail.com helbidera idatzi behar da. Bukatzeko, azaroan argazki erakusketa irekiko dute eta herri bazkari edo afaria egingo dute.

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

1 + 2 =


Iruzkin berriak

Sebas Iturriotz: Bihotzekoa eman dio erdarakada ("Kalko okerra") da, bihotzekoak jo du edo bihotzekoak jota hil da [...]

Amaia Etxaniz: Ni Oskarbik kaleratu dituen 7 langileetako bat baiz. Pertsona guztiak bezala nire defektuak baditut, baiña [...]

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]