Otamotz

Goierriko Hitza Goiberri

Albisteak

Olatz Zugastik kontzertua emango du larunbatean Urretxun

Olatz Zugastik kontzertua emango du larunbatean Urretxun
martxoa 23
17:32 2017

Olatz Zugasti musikari hernaniarrak kontzertua egingo du larunbat honetan, 20:30ean, Urretxuko Labeaga aretoan.

Zugastik Ur goiena, ur barrena diskoko kantak joko ditu, besteak beste. Disko hau 2015ean aurkeztu zuen. Bere hitzetan, inoiz egin duen lan pertsonalena da. Izan ere, kantu gehienak berak idatzi, konposatu eta moldatu zituen.

Aspaldiko urteetan, Zugasti Benito Lertxundiren kontzertuetan aritu da bete-betean harpa, teklatuak eta ahotsa jarriaz. Orain, bakarkako kontzertuak eskainiz, bide berri bat urratzeari ekin dio. Larunbateko kontzertuan, bere azken diskoko abestiez gain, aurreko lau lanetako kantak ere eskainiko ditu.

Kontzertu hau Urretxu eta Zumarragako udalek antolatu dute, Laboral Kutxaren laguntzarekin. Sarrerak dagoeneko salgai daude, 10 euroan. Kontzertura joateko asmoa dutenek Urretxuko Ederrena pilotalekuko tabernan dituzte eskuragai. Egunean bertan ere salgai jarriko dituzte: 20:00etan, Labeaga aretoko leihatilan.

Opera emanaldia

Martxoa bukatzear da, baina Zugastirena ez da Urretxu eta Zumarragan martxorako antolatu duten azken musika ekitaldia. Izan ere, hilaren 30ean Madama Butterfly opera emango dute zuzenean Londresko Royal Opera House aretotik. Emanaldia 20:15ean hasiko da.

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

1 + 4 =


Iruzkin berriak

Sebas Iturriotz: Talde polita eta irekia [...]

Makenri: Kaixo Michael, Berriz Goierri zoriontzeko baliatu beharko dut mezua, nire lehen hitzak horretarako izan diren [...]

Michael Jordan: Kaixo, Makenri: Igone Campos espainiako txapeldunordea izan da. Maiza, Oroz eta besteek espainiako ligan jokatzen dute. [...]

Makenri: Zertarako diozu? 1.- Gipuzkoar jokalari gazteak punta-puntako mailetara iritsi daitezkeela erakusteko eta motibagarri izateko kirolari [...]