Otamotz

Goierriko Hitza Goiberri

Albisteak

Udalak San Isidro eta Esteban Orbegozo igogailu bidez lotuko ditu

Udalak San Isidro eta Esteban Orbegozo igogailu bidez lotuko ditu
uztaila 26
09:46 2019

Zumarragako Udalak San Isidro eta Esteban Orbegozo kaleak igogailu bidez lotuko ditu. Igogailua kiroldegi ondokotik gertu egongo da, eta pasarelak GI-632 zaharra zeharkatuko du. Igogailua 2020 amaierarako prest egongo da.

Azkeneko osoko bilkuran egitasmo hori Irisgarritasun Planean txertatzea onartu zen, diru laguntzak eskatu ahal izateko. Mikel Serrano Zumarragako alkateak herriaren goialdean 3.000-3.500 pertsona inguru bizi direla eta igogailu horri esker bizilagun horientzat guztientzat erdigunera joatea errazagoa izango dela esan zuen.

Igogailua kiroldegikoaren ondoan jarriko da eta pasarela San Isidro eta Elgarrestamendi artean dagoen aparkalekura helduko da.

Zelai Arizti aretotik plazara jaisten diren eskaileretan beste igogailu bat jarri behar dute. «Helburua azokan beraien produktuak saltzen dituzten baserritarrei lana erraztea da, baina igogailu hori herritar guztiek erabili ahal izango dute».

Serranok 2019-2022 Irisgarritasun Plana hirugarrena dela gogoratu zuen. «Hiru plan onartu baditugu, lehenengo bietan aurreikusten ziren neurri guztiak aurrera atera ditugulako da. 2008tik gaurdaino ia 5 milioi euro inbertitu ditugu. Barandak, eskudelak eta igogailuak jarri ditugu eta arrapalak egin ditugu».

Osoko bilkuran aparkaleku mugatuak arautzeko ordenantza ere onartu zen. Legazpi, Soraluze eta Piedad kaleetan, Euskadi plazan eta Elizkaleko zati batean ordu betez bakarrik apar- katu ahal da. Helburua merkatariei laguntzea da. Serranok merkatarien %75 eta gidarien %70 neurriarekin ados daudela esan zuen. Bizilagunen eskaerari men eginez, udalak aparkaldia ordu eta erdira luzatuko du.

Bestalde, irailetik aurrera udaltzaingoak isuna jarriko die ordenantza errespetatzen ez dutenei. Arau urratze arinagatik jarriko duten isuna 100 eurokoa izango da asko jota, baina alkateak isun ohikoena 30 eurokoa izango dela esan zuen. Arau hauste larria egiten dutenek (hiru ordu baino gehiagoz aparkatu) 200 euroko isuna jasoko dute.

Elkarbanatu

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

3 + 5 =


Iruzkin berriak

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]

Igor: Liberazioekin pasatzen ari dena udal mailan ikaragarria da. Ya ez da bakarrik Urretxu batek 4 [...]

Eki: Joder Bildu, beti liberazioen aurka (alkatearena izan ezik) eta orain Zumarragan 4 liberazioen alde!!! Polítika [...]