Zer izan nahi zenuen umetan?
Zinearekin erlazionatutako zer edo zer egin nahi nuen. Jurassic Park filmak zeresan handia izan zuen horretan.
Aisialdian zer egitea atsegin duzu?
Filmaren bat ikustea, ordenadorean ibiltzea eta neskarekin Donostiara joatea.
Bizitzeko toki bat?
Hauxe. Aldi baterako Donostia eta aitaren herria ere gustuko ditut.
Gustuko filma?
Asko ditut gustuko. ¡Qué bello es vivir!, 12 hombres sin piedad, Olvídate de mí… Generoei dagokienez, zientzia fikizioa batez ere.
Gustuko aktorea?
Sekundarioak gustatzen zaizkit. Ed Harris edo Gary Sinise.
Gustuko aktore emakumea?
Oraingoen artean, Scarlett Johansson adibidez. Lehengoen artean bat hautatzea oso zaila da.
Gustuko zuzendaria?
Spielberg atsegin nuen. Garai batekoen artean, Sidney Lumet.
Gustuko aretoa?
Pantaila erraldoiak atsegin ditudanez, Belodromoa esango dut.
Ilehoriak ala beltzaranak?
Baita ilegorriak ere. Ilearen koloreak ez du garrantziarik, bere zer edo zer erakargarria suertatzea baizik.
Egindako azken oparia?
Barruan DVD bat zuen postala.
Eta jasotakoa?
Urriaren 12ko zubian neskalaguna aretoan egon zen nirekin.
Data bat?
Santa Lutzi eguna betidanik gustuko dut. Orain irudiak hartzen egoten naiz eta inork baino hobeto ezagutzen dut. Dagoeneko idi probak gustuko ditut!.
Neska eta mutil izen bana?
Neskenak, Edurne eta Nerea. Mutilenak, Karlos eta Asier.
Zein egunkari irakurtzen duzu?
DV egunero, baina parean suertatzen diren gainontzeko guztiak ere irakurtzen ditut. Ez dut joera begiratzen.
Gustuko telebista saioa?
Telesailak atsegin ditut: Perdidos, House, Heroes…
Bereziki gorroto duzuna?
Denek diotena esango dut: saio arrosak. Filmak ikustea ere ez zait asko gustatzen, iragarki mordoa botatzen baitituzte.
Liburu bat?
Los pilares de la tierra.
Abesti bat?
Denetik entzuten dut. Taldeei dagokienez, Dire Straits eta Queen azpimarratuko nituzke.
Soinu bat?
Aspaldi ikusi ez dudanaren ahotsa.
Usain bat?
Belar moztu berriarena, itsasoarena… naturarenak orokorrean.
Janari bat?
Patata tortila.
Ura ala...
Errefreskagarriak. Alkoholdun edaririk ez dut edaten.
