Amaia eta Mikel Iturriotz, Euskal Herriko finalean kantatzeko prest

2009/06/18

Otamotz

Amaiak, handien mailan kantatuko du(15-18 urte bitarteko gazteen mailan) eta Mikelek, berriz, txikienmailan (14 urte artekoen mailan). Biek, pasa den maiatzaren 29anDonostian jokatu zen Gipuzkoako txapelketako finalean lortu zutenEuskal Herrikoan kantatzeko txartela.

Bertso eskolako koadrila pozik egotekomoduan dago. Euskal Herriko txapelketan herrialde bakoitzeko bibertsolarik kantatuko dute maila bakoitzean (lau bertsolari guztiraherrialdeko) eta horietatik bi gure herriko bertso eskolakoak dira,Iturriotz anai-arrebak, hain juxtu. Amaiak, Gipuzkoako txapela lortuzuen Donostian eta horri esker sailkatu zen Euskal Herrikorako,bigarren geratu zen Lasarteko Ane Labarekin batera, eta Mikel,txikien mailan txapelik lortu ez arren, bereziki nabarmendu zenfinalean eta epaileek bera aukeratu zuten, Asteasuko HaritzMujikarekin batera, Euskal Herrikoan kantatzeko.

Mikelek lehen aldiz kantatuko du EuskalHerrikoan; Amaiak, berriz, laugarrengoz (txikien mailan 3 aldizkantatu zuen eta azkenekoan txapela jantzi, orain bi urte). Biakilusio handiz daude, larunbata noiz iritsiko zain. Azken asteotanentrenamendu saio gogorrak egin dituzte bertso eskolan eta sasoikoiritsiko dira Altsasuko finalera, helburu zehatzik gabe, baina saioona osatu eta egindako lanarekin pozik etxeratzeko gogoz.

Azken urteotan emaitza onak lortudituzte bertso eskolako gaztetxoek Euskal Herriko txapelketan. Iaz,Maialen Akizu izan zen txapeldun txikien mailan, eta orain bi urte,Amaia bera. Aurten, berriz, txikien mailan ez ezik handien mailan ereordezkaritza izango du bertso eskolak eta hori poztekoa da.

Txikien mailako finala goizean jokatukoda, 11etatik aurrera, eta handiena, berriz, bazkalostean. Eginbeharreko lanek ere ez dute zerikusirik Gipuzkoako txapelketan eginzituztenekin. Txikiek, gai orokor baten inguruan agurreko bertsoakantatu ostean, 4 oinak emanda bertsoa osatu beharko dute eta binakaofiziotan aritu, 8ko txikian. Segidan, epaimahaiak galbahea egingo dueta sei bertsolari igaroko dira bigarren fasera. Fase erabakigarrihonetan, 8ko nagusian binaka aritu beharko dira ofiziotan eta hitzaemanda bertso bat osatu. Handien mailari dagokienez, agurra kantatuostean 8ko txikian eta nagusian aritu beharko dira ofiziotanbertsolariak, eta galbahea igarotzen duten sei bertsolariek, puntuarierantzun beharko diote eta gaiari bakarka bi bertso kantatu. Eginbeharreko lanak ez dira, beraz, nolanahikoak. Bertso eskolako lagunenbultzada ere gertu sentituko dute Altsasun larunbatean Amaiak etaMikelek, beraz, ziurtzat jo daiteke saio dotorea osatuko dutela.

Euskal Herriko Eskolarteko BertsolariTxapelketa: saridunak

Edizioa	Urtea	Non	14 urte artekoak	14-18 bitartekoak
1	1989	Donostia	Unai Agirre	Jon Maia
2	1990	Gernika	Beñat Gaztelurrutia	Jon Maia
3	1991	Gernika	Ibon Ajuria	Unai Iturriaga
4	1992	Gasteiz	Nagore Fernandez	Unai Iturriaga
5	1993	Lesaka	Joseba Gojenola	Igor Elortza
6	1994	Urruña	Ekaitz Goikoetxea	Xabier Silveira
7	1995	Gasteiz	Jon Martin	Ainhoa Agirreazaldegi
8	1996	Arrasate	Amets Arzallus	Leire Bilbao
9	1997	Mungia	Amets Arzallus	Ekaitz Goikoetxea
10	1998	Mungia	Ander Lizarralde	Ekaitz Goikoetxea
11	1999	Mungia	Beñat Gaztelumendi	Fredi Paia
12	2000	Mungia	Beñat Gaztelumendi	Sustrai Colina
13	2001	Mungia	1. Beñat Gaztelumendi	1. Egoitz Eizagirre
			2. Hodei Iruretagoiena	2. Oihana Bartra
14	2002	Mungia	1. Unai Gaztelumendi	1. Beñat Gaztelumendi
			2. Hodei Iruretagoiena	2. Miren Artetxe
15	2003	Mungia	1. Hodei Iruretagoiena	1. Beñat Gaztelumendi
			2. Maialen Velarde	2. Xumai Murua
16	2004	Mungia	1. Maddalen Arzallus	1. Beñat Gaztelumendi
			2. Jone Uria	2. Alaia Martin
17	2005	Altsasu	1. Mattin Luku	1. Maddalen Arzallus
			2. Mikel Olaizola	2. Julio Soto
18	2006	Altsasu	1. Txomin Elosegi	1. Arrate Illaro
			2. Ane Labaka	2. Miren Amuriza
19	2007	Altsasu	1. Amaia Iturriotz	1. Maddalen Arzallus
			2. Imanol Irazustabarrena	2. Kristiñe Txoperena
20	2008	Altsasu	1. Maialen Akizu	1. Miren Amuriza
			2. Maddi Ane Txoperena	2. Jone Uria