Josetxo Mujika 52 urteko zumarragarra suhiltzailea da. Ordizian, Goierriko suhiltzaileen parkean egiten du lan eta denbora librean, triatloietan ere aritzen da. Zumarraga eta Urretxuko Urola Goiena Triatloi Taldeko kidea ere bada.
Polizia eta Suhiltzaileen Nazioarteko Jokoak uztailaren 31tik abuztuaren 9ra gauzatu dira Vancouverren. Bertan zazpi domina eskuratu ditu Mujikak. Urrezko dominak 3000 metro oztopoetan, krosean, 1500 metrotan eta triatloian. Hori gutzi balitz, zilarrezko domina berarentzat izan da 800 eta 10.000 metroetan eta brontzezkoa 5000 metroetan.
Tenperatura altuak
Mujikak 50 eta 55 urte bitartekoen mailan hartu du parte. Azaldu duenez, probako 10 edo 12 pertsonek hartu dute parte. Aurten baina, gainontzeko parte hartzaileei ez ezik, tenperatura altuei ere aurre egin behar izan die suhiltzaileak. 33 eta 36 gardu arteko tenperaturak izan dituzte bataz beste.
Polizia eta Suhiltzaileen lehendabiziko Olinpiadak 1985ean egin ziren kirol zaletasuna lanbideotan sustatzeko helburuarekin. Ordutik bi urtez behin ospatzen dira. Mujikak 2003an hartu zuen parte lehenengoz gisa honetako proba batean Bartzelonan. Ondoren etorri ziren, Quebec (2005), Adelaida; Austria (2007).
Argazkia: Urola Goiena Triatloi taldea
