Ostadar Mendi Taldeak antolatuta, bihar jarriko da martxan hogeita seigarren urtez Mendi Astea.Azken hogeita bi urteetan egin bezala Anjel Etxeberriaren omenezegiten den haur ibilaldiak irekiko du aurten ere Mendi Astea. Goizeko8:30ean izango da irteera, Zumarragako Euskadi plazan.
Ikus-entzunezkoak
Astelehenetik ostegunera bitarteanikus-entzunezkoen emanaldiak izango dira Urretxuko eta Zumarragakokultur etxeetan eta Labeaga aretoan. Guztiak arratsaldeko 20:00etanhasita. Egitaraua ondokoa da:
- Azaroak 23, astelehena: ‘Euskal Herriko mendiak’ (Juan Mari Gabilondo). Urretxuko Aizpuruenea Kultur Etxean.
- Azaroak 24, asteartea: ‘Suitza, haranak eta mendiak’ (Migel Angel Otsoa de Alda eta Imanol Diaz de Garaio). Urretxuko Labeaga Aretoan. Kutxa Fundazioaren laguntzarekin.
- Azaroak 25, asteazkena: ‘Gu, Piriniotik Denalira’ (Patricia Bizkarret). Urretxuko Labeaga Aretoan. Kutxa Fundazioaren laguntzarekin.
- Azaroak 26, osteguna: ‘Eskia Pirinioetan’ (Fidel Mendia). Zumarragako Zelai Arizti Aretoan.
Sari banaketa eta irteera
Ostiralean Mendi eta Naturako V.Argazki Lehiaketako sariak banatuko dira Zelai Ariztin, 20:00etatikaurrera. Aurten guztira 925 argazki aurkeztu dira lehiaketara. Etaasteburuari begira ere badira ekintzak. Ostadar Mendi Elkartekobazkideek urteroko batzar nagusi orokorra egingo dute elkartearenegoitzan larunbatean. Eta aurtengo asteari amaiera emateko, AiakoHarrira mendi irteera izango da igandean. Ibilaldiaren ondorenAritxulegin bazkaria izango da.
EGITARAU OSOA
Argazkia: Aiako Harria