Lucia Otaegi zumarragarrak hirugarren saria lortu du abendua hasieran Madrilen jokatu den 20 urtetik beherakoen Estatu mailako klarinete lehiaketan. Otaegik 17 urte ditu eta Sekundino Esnaola musika eskolako eta Donostiako kontserbatorioko ikaslea da. Horretaz gain, Joxe Mari Iparragirre institutuan Batxilergoko bigarren maila egiten ari da. Musika bere lanbidea izatea nahi du eta datorren urtean goi mailako klarinete ikasketak hasiko ditu. Umetatik da musika zalea eta CDak jartzen oso txikitan ikasi zuela gogoratzen du.
Zer izan nahi zenuen umetan?
Albaitaria.
Aisialdian zer egitea atsegin duzu?
Mendira joatea, lagunekin egotea, parranda egitea eta pianoa jotzea. Ahal dudan guztietan aitarekin mendira joaten naiz. Udan Pirinioetara joaten gara. Garmo Negro eta Hiru Erregeen Mahaia igo ditut, besteak beste.
Bizitzeko toki bat?
Nire herri kuttuna Zumarraga da, baina hiri handi batera joatea gustatuko litzaidake. Donostia, adibidez.
Gustuko mendia?
Hemen ingurukoen artean Anboto gustatzen zait.
Gustuko musikaria?
Klasikoen artean Beethoven. Jazza ere asko gustatzen zait, Michael Buble batez ere.
Abesti bat?
Beethovenek klarinete, txelo eta pianoarekin jotzeko konposatu zuena.
Gustuko musika mota?
Klasikoa eta jazza. Rocka ere asko gustatzen zait. Egia esan, musika mota guztiak atsegin ditut.
Zein orkestrarekin joko zenuke gustura?
Txikitan egunen batean Vienako filarmonikarekin Urte Berriko kontzertua joko nuela esaten nuen.
Ilehoriak ala beltzaranak?
Biak.
Egindako azken oparia?
Aitona-amonei euren urrezko ezteietan argazkia jartzeko oparitu nien markoa.
Eta jasotakoa?
Urtebetetze egunean lagunek egin zidatena.
Data bat?
Santa Isabel eguna.
Mutil eta neska izen bana?
Josu, anaiarena, eta Haizea.
Zein egunkari irakurtzen duzu?
Ahal dudan guztiak irakurtzea gustatzen zait.
Gustuko telebista saioa?
Telesailak gustatzen zaizkit. Anatomia de Grey, esaterako.
Bereziki gorroto duzuna?
Anaiak jartzen dituen marrazki bizidunak.
Liburu bat?
Joseph Gelinek idazlearen La décima sinfonía.
Pelikula bat?
La roca, El odio, Las locas aventuras de Robin Hood…
Soinu bat?
Orkestra zuzendariak jotzeko agindua eman aurreko segunduetako isiltasuna.
Usain bat?
Ogi egin berriarena.
Janari bat?
Mendi gailurrera heltzen naizenean jaten dudan txorixo otartekoa.
Ura ala…
Garagardoa.
