Joan den igandean, hilaren 17an egin zen Goierriko Biraren 1. etapa. Guztira 68 mendizalek hartu zuten parte, Irimo, Arrolamendi edo Gorostiaga mendien arteko ibilbidean. Mendizaleak toki askotatik etorri ziren. Gehiengoa Urretxu-Zumarragakoa bazen ere, Legazpitik etorritakoak ugariak izan ziren, baina Mutiloa, Ormaiztegi, Zerain, Ordizia, Eibar, Andoain edo eta Donostiatik ere gerturatu zen jendea.
Birako lehenengo etapako arrakasta errepikatu asmoz, irekita dago jada bigarrenean parte hartu nahi dutenentzat izena emateko epea. Hilaren 31n egingo da Udana mendatean hasi eta Otzaurte herrian amaituko den ibilbidea. 20 kilometro eta 1.500 metroko desnibelarekin, Udana mendatetik irten eta Biozkornia leporantz egingo da lehenik. Artzanburu eta Aizkorritxo gaina bisitatu eta gero, Oltza eta Perusaroitik jarraituz, San Adriango galtzada eta tunela igaroz, Beundetik pasata Otzaurten amaituko da ibilaldia. Ibilaldi aparta izango da eta Goierriko mugan kokatzen diren eskualdeko parajerik garaienetan ibiltzeko aukera izango dute mendizaleek
Izen ematea irekita
Izena emateko epea irekita dago Goierri elkarteko tabernan, Urretxuko Labeaga kaleko 12. zenbakian. 15 euro kostako da izen-ematea, autobuseko joan etorriak ordaintzeko. Urretxu-Zumarragara hurbildu ezin eta izena eman nahi duten mendizaleek telefonoz edo email bidez egin dezakete izen-ematea.
- Jose Mari: 699665737
- Jonmikel: 619418289
- Jesus Mari: 650089236
Edo mendisaila@goierrike.net eta ostadar@ostadar.org emailetara mezu bat bidalita.
Informazio gehiago Goierri Kirol Elkarteko eta Ostadar Mendi Taldeko web guneetan jaso ahal izango duzue.
Egilea: Ostadar M.T.
