Urretxuko eta Zumarragako musikataldeak entsegu lokal eske daude. Askok Urretxuko Madaya auzokogarajeetan zuten lokala, baina apirilaren 1etik bertatik joan beharizan dute eta talde asko kalean gelditu dira. MuTaMu elkarteakbiltzen ditu bi herrietako taldeak. Duela zortzi urte sortu zuten,lokalen aldarrikapenarekin.
Ekitaldiak aurkezteko kaleratutakooharrean MuTaMuk udalei entsegurako lokalak eraikitzeko eskatzendiete. Era berean ahaztuta, gutxietsita eta baztertuta sentitzendirela ere jakinarazi dute, aurretik gai berarekin igaro direnbelaunaldien borrokak behingoz bere fruituak eman behar dituelagaineratuz.
Aldarrikapenekin jarraitzeko asmoa duteeta horretarako bihar kontzertuak egingo dituzte bi herrietakokaleetan zehar. Zuzeneko emanaldiez gain, entsegurako lokalakeskatuko dituzte. Urretxuko eta Zumarragako 11 taldek joko dutebertan, eta herrietako hiru gune desberdinetan jarritako eszenatokiinprobisatuetan taularatuko dute desadostasuna. Hiru guneak lotukodituen manifestazio edo kalejira bat egitea ere buruan darabiltegazteek.
Arratsaldean 17:30etan hasiko dituzte kontzertuak, hiru gune desberdinetan. Gune hauek manifestazio batekin lotuko dituzte, entsegurako lokalen beharraren aldarrikapenaren atzetik. Urretxuko Avenidan hasiko dute bidea Zaborra taldearen emanaldiarekin. Zumarragako Euskadi plazara joko dute ondoren eta han Kortozirkuito taldeak eskainiko du kontzertua. Azkenik, Areizaga-Kalebarrenen amaituko dute manifestazioa Ilunarte taldearekin.
Gauean ere musika
Gau partean ere kontzertuak izango dira baina oraingoan gaztetxean eta Ederrena pilotalekuan tartekatuta. 22:00etan hasiko dute lehen emanaldia gaztetxean. Oholtza honetan Kartal, Serie B, Las hijas de la evasion, SRK & Carhe, Artilleria pesada eta The Hot Dogs taldeak ariko dira. Pilotalekuan aldiz, Klak!son, Hil baino lehen eta Repugnancia Social izango dira entzungai. Gaueko kontzertuetarako sarrerak bi euroan salduko dituzte.
Kontzertuez gain, MuTaMu Urretxun etaZumarragan egon diren musika talde guztien kanta bana jasoko duenbilduma osatzen ari da. Ahalik eta musika gehiena biltze aldera,elkarteko kideek urretxuarrei eta zumarragarrei dei egin diete,musika taldeen materiala izatekotan eurekin harremanetan jartzeko.Era berean, MutaMu euren aldarrikapenekin bat datozen herritarrensinadurak biltze ari da, sinadura orriak herriko zenbait tabernetandaude eskuragarri.
Egilea: utzita.
