Idoia Barbarin urretxuarrak 32 urte ditu. Ikastolan egin zituen oinarrizko ikasketak eta ondoren ile-apainketa ikasi zuen Donostian.
Aita gaixo jarri zen eta gozogintzan hasi behar izan zuen berari laguntzeko. “Hasieran pena pixka bat eman zidan, ile-apaintzaile izan nahi bainuen, baina egungo lana gustuko dut”. Ezkurra gozotegiko pastelak egin eta banatzen ditu. Aisialdian mendira joatea eta zaldian ibiltzea atsegin du. “Zaldian ibiltzeak lasaitu egiten nau. Araia ondoko herri batean dagoen zalditegi batera joaten naiz”, aipatu du.
Zer izan nahi zenuen umetan?
Ile-apaintzailea.
Aisialdian zer egitea atsegin duzu?
Mendira joatea eta zaldian ibiltzea.
Bizitzeko toki bat?
Urretxu
Krema, nata ala txokolatea?
Krema.
Borracho izeneko pastela ez zaio inori gustatzen. Zergatik egiten duzue?
Gure etxean ez dugu pastel hori egiten! Horregatik hain zuzen ere: ia inori ez zaiolako gustatzen. Batzuetan jendeak dozena bat pastel eskatu eta, mesedez, borracho izenekoa ez jartzeko esaten digu.
Zein da zuen etxeko berezitasuna?
Milorria. Ez dugu trikimailu berezirik, baina jendeari asko gustatzen zaio guk egiten duguna.
Zer nahiago du jendeak, pastel handiak ala txikiak?
Txikiak.
Zein da zure pastel gustukoena?
Txokolatezko ontzitxoa.
Ez al zara pastelez nazkatu?
Egia esan, egunero-egunero pastelekin lan egiten dugunok gazira jotzeko joera dugu. Noizean behin bakarrik jaten ditut pastelak.
Ilehoriak ala beltzaranak?
Ilehoriak.
Egindako azken oparia?
Itziar lankideari bere urtebetetze egunean oparitutako belarritakoak.
Eta jasotakoa?
Etxeko sarrera berritu dut familiako guztien laguntzari esker.
Data bat?
Sanjoanak.
Mutil eta neska izen bana?
Unax eta Maddi.
Zein egunkari irakurtzen duzu?
El Diario Vasco.
Gustuko telebista saioa?
Password.
Bereziki gorroto duzuna?
Txutxumutxu saioak ezin ditut jasan.
Liburu bat?
Ez naiz liburu zalea.
Pelikula bat?
Ez dago bereziki gustatzen zaidan bat.
Soinu bat?
Itsasoarena.
Usain bat?
Labandarena.
Janari bat?
Txipiroiak.
Ura ala…
Sagardoa.
