Abiadura Handiko Trenaren lanak aurrera doaz. Pasa den astean pauso bat gehiago eman zen lanen exekuzioari dagokionez. Iñaki Arriola, Etxebizitza, Herri Lan eta Garraio sailburuak lanen fase berri bateko lehen harri jarri zuen ostegunean Antzuolan. Izan ere, Antzuola eta Ezkio-Itsaso batuko dituen bidea egingo da fase honetan, Zumarragatik igaroko delarik. Fase hau gainera, AHTak Gipuzkoan izango dituen lan guztietatik zailena eta garestiena izango da arrazoi askogatik.
Zumarraga alderik alde zeharkatu duen tunel bat eraikiko da. AHTak izango duen luzeena 5.360 metrorekin. Lur azpian eraikiko da 200 metroko sakoneran. Antzuola eta Ezkio-Itsaso batuko dituen ibilbideak guztira 6.940 metro izango ditu eta 240 milioi euroko kostua guztira. Tunel hau eraikitzeak bereziki zailduko ditu lanak, horregatik bi zatitan banatu dituzte. Pasa den astean hasi ziren lanak Ezkio Mendebaldean egingo dira 3,5 kilometroko luzeran. 63 hilabeteko exekuzio epea izango dute lanek eta 119,9 milioi euro kostako dira.
