Maiatzaren 6an eman zitzaion haseraOiartzunen XXXI. Gipuzkoako eskolarteko bertsolari txapelketari, etaherri ezberdinetan lau kanporaketa jokatu ostean, ostiral honetanAzpeitian jokatuko den finalak emango dio akabera aurtengoekinaldiari. Euskal Herriko Ikastolen Elkarteak antolatzen dutxapelketa hau, gaztetxoengan bertsolaritzarekiko zaletasunasustatzea, besteak beste, helburu duena. Bat-batean zein bertsojarrien alorrean, Gipuzkoa osoko ehunka haurrek hartu dute parte.
Bat-bateko atalari dagokionez, ohibezala bi maila bereizi dira aurten ere, 14 urte arteko gaztetxoenmaila eta 14 eta 18 urte arteko gazteen maila. Txikienen mailan,taldeka kantatu ohi dute gaztetxoek, eta lau taldek kantatuko duteAzpeitiako final handian: Zarauzko taldeak (Ane Peñagarikano, PaulaArriola, Mikel Sarasua eta Ander Garaiar), Goierri-Elgoibar taldeak(Paul Iruretagoiena, Maddi Mendibil, Leire Akizu eta IraitzSarasola), eta Lazkaoko bi taldek (Aizpea Garmendia, Irati Saez deEgilaz, Ainhoa Lasa eta Eneko Ayerza, batetik, eta Leire Agirre,Sofia Peralto, Oihane Lazkanoiturburu eta Ander Ayerza, bestetik).
Maila nagusian, bestalde, bertsolariekbanaka hartzen dute parte; ondorengo zortzi bertsolariak izango dirakantuan: Eñaut Martikorena (Andoaingo La Salle Berrozpe Ikastetxea),Amaia Iturriotz (Urretxu-Zumarraga ikastola), Maialen Akizu(Urretxuko Joxemari Iparragirre institutua), Gema Urteaga (OrdizikoOianguren Institutua), Elixabet Pagola (Hernaniko Langile Ikastola),Aitor Salegi (Azpeitiako Urola Ikastola), Imanol Irazustabarrena(Tolosako Orixe Institutua), eta Eneko Araiztegi (Beasaingo LoinazpeIkastetxea). Ohi bezala, Andoni Egaña izango da gai jartzailea.
Ostiraleko finala Azpeitiako Soreasukultur gunean izango da, eta arratsaldeko lauetan hasiko da. Bat batekosaioak amaitu ostean, bertso jarrien ataleko sariak ere banatukodira. Atal honetan, Amaia Irure (Aretxabaletako KurtzebarriIkastetxea), Mikel Etxeberria (Urnietako Egape Ikastola), Paul Beitia(Zarauzko Salbatore Mitxelena Ikastola) eta Maialen Akizu (UrretxukoJ.M. Iparragirre Institutua) izan dira garaileak, LHko 3. eta 4.mailetan, LHko 5. eta 6. mailetan, DBHko 1. eta 2. mailetan eta DBHko3. eta 4. mailetan, hurrenez-hurren.
Egilea: Urretxu-Zumarragako Bertso Eskola.
