Urretxuren eta Nagaroteren arteko harremana 2008an hasi zen, eta gaur arte ez du etenik izan. Urretxuko Ilargi Beltza gobernuz kanpoko erakundea dago hartu eman honen oinarrian, eta bere bitartekaritzari esker, osasun arloan hainbat elkartasun proiektu gorpuztu dira bertan. Juan Gabriel Hernandez (Nagarote, Nikaragua, 1973) Nagaroteko alkatea da Fronte Sandinistaren izenean, eta bisita ofizialean da egun hauetan Euskal Herrian.
Bisita ofizialean zaude Euskal Herrian.
Bai. Urretxu da egun hauetan nire egonleku nagusia, baina beste toki batzuk ere bisitatu ditut: Legazpi, Zumarraga, Errenteria eta Bergara. Izan ere, Urretxuk ez ezik, herri hauek ere lagundu baitituzte diruz Nagaroten aurrera eraman ditugun hainbat proiektu. Proiektu txikiak dira, baina osasun arloan eragin nabarmena izan dutenak.
Nolakoa da Urretxurekin duzuen harremana?
Ez da bi udalen arteko harreman soila. Nagaroteren eta Urretxuren arteko harremana ez ezik Euskal Herriarekikoa ere bada. Kooperazio bat baino gehiago, integrazio mekanismo bat da. Historia oso antzekoa daukagu. Nikaraguak bizi izan dituen arazo politikoak eta egoera sozialak Euskal Herrian ere bizi izan dituzue. Sufrimenduak batzen gaitu, herri aske baten eta autodeterminazioaren aldeko gogoak batzen gaitu, baita eraso inperialistaren aurkako nahiak eta borrokak ere.
Elkarrizketa osorik bihar Goierriko Hitzan.
