Zozketa txartelak datorren astetik maiatzera bitartean erosi ahal izango dira; jokalariek salduko dituzte euro baten truke
Urolako jokalari bakoitzaren gastuari aurre egiten laguntzeko zozketa txartelak salduko dituzte datorren astetik hasita maiatzera arte. Salmenta jokalariek egingo dute, «bakoitzaren baliabideen arabera zozketa txartelak saldu edo banatu egingo ditu». Edozein modutan, jokalari bakoitzak jasotzen duen diruarekin Urolaren gastuak ordaintzea da lehendakaritzak abian jarritako kanpaina honen helburua.
Zozketa txartelak salduko dituzte jokalariek euro batean truke. Motor bat zozkatuko dute, motorra eta hura erabiltzeko ekipamendua herenegun erakutsi zituzten Argixaoko zelaian. Alustizak ez du esan gabe utzi nahi Zumarragako Zatika motor dendak eman dien babesa, «zozkatuko dugun motorrak guk ordaindu duguna baino gehiago balio du eta oso eskertuta gaude Joseba Irizar dendaren jabearekin». Urolak, bere aldetik, jokalarien elastikoetan dendaren publizitatea jarriko du trukean. Bidezar tabernak eta Etxeberri jatetxeak ere lagundu diete. «Lehen laguntza gehiago jasotzen genuen, orain 100 euroko publizitate bat lotzeko borroka latza egin behar dugu». Maiatzean egingo dute motorraren zozketa eta ordura arte 250 gaztetxotik gora Urretxun eta Zumarragan Urolako zozketa txartelak saltzen egongo direnez, herritarrei pazientzia eskatu die Jon Alustizak.
