Herritar talde batek kontzentrazioa deitu du biharko, Donbassetik (Ukrania) bueltan izandako atxiloketak salatzeko. Kontzentrazioa Areizaga-Kalebarren plazan izango da, 19:00etan. “Gure ustez, internazionalismoa ez da, inola ere delitua. Internazionalismoa munduko herri guztien bake eta askatasuna lortzeko beharrezko tresna da. Estatu espainiarrak zortzi lagun brigadisten aurka ireki duen prozesuaren aurka gaude eta mobilizazioa eta elkartasuna beharrezkoak dira”, azaldu dute antolatzaileek.
