Geltokietako plazako merkatari eta ostalariek beraien negozioak arrosa kolorez apaindu dituzte, larunbatean Bularreko Minbiziaren Aurkako Nazioarteko Eguna dela eta. Gaitz hau dutenei elkartasuna adierazteaz gain, hainbat ekimen antolatu dituzte ikerketarako dirua biltzeko.
Igande honetan, 12:00etatik 15:00etara, sardina-jana egongo da geltokietako plazan. Gainera, Patxi Luke antzuolarrak zuzenean joko du. Sardina salmentatik lortutako dirua Katxalin elkarteari emango diote.
Horretaz gain, Katxalin elkartearen Gabonetako loteria salduko dute. Loteriak 3 euro balio du eta 0,5 euro ikerketarako dira. Dagoeneko Txindoki eta Muga tabernetan, Urki liburu-dendan eta Andere ile-apaindegian eskura daiteke.
Igandean. hilaren 27an. Donostian egingo duten martxarako kamisetak ere jarriko dituzte salgai. Kamisetek 8 euro balio dute. 16 euroren truke, kamiseta eta Donostiara joango den autobuseko txartela eskura daiteke. Katxalineko emakumeek minbizia duten haurrentzat egiten dituzten panpinak erosteko aukera ere egongo da.
Merkatarien iritzia
Ekimen solidario honen bultzatzaileetako bat Andere ile-apaindegiko Mila Urkiola da. Emakume horrek Katxalin elkartearekin kolaboratzen du. «Inguru honetako merkatari eta ostalariok zerbait antolatu nahi genuen. Gehienetan deskontuak eskaintzen ditugu bezeroak erakartzeko eta aditu batek beste zerbait egitea aholkatu zigun», aipatu du.
Plazako dendari eta ostalari guztiek bilera bat egin zuten eta Katxalin elkartzeari laguntzea erabaki zuten. «Gabonak heldu aurretik izatea nahi genuen eta hilaren 19an Bularreko Minbiziaren Aurkako Nazioarteko Eguna denez eta Katxalin elkartearekin kolaboratzen dudanez, elkarte honi laguntzea erabaki genuen. Oraingoan, oparitu beharrean, eskatu egingo dugu: herritarrei Katxalinekoei laguntzea eskatuko diegu», azaldu du Urkiolak.
Emakume horien adorea eta eskuzabaltasuna txalotzekoak direla dio. «Katxalineko kideak oso solidarioak dira: gaitzari aurre egiteaz gain, minbizia duten haurrei laguntzen diete, ikerketa bultzatzen dute… Borrokalari hutsak dira».
Geltokietako plazako merkatari eta ostalarien ekimenak Katxalineko emakumeak poztu ditu. «Argazkiak bidali nizkien eta asko gustatu zaie antolatu duguna. Oso ekimen polita da. Merkatari eta ostalariok oso inplikatuta gaude eta oso giro ona dugu. Besteei laguntzea oso polita da. Herritarrek ere laguntzeko aukera dute. Ea igandeko festara jende asko etortzen den», amaitu du.
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.