Urretxu-Zumarragako futbol elkarteak aspaldiko ohitura berritu du gaurko ekitaldiarekin. Arratsaldean partida bana jokatuko dute Argixaon klubeko emakumezkoen eta gizonezkoen talde nagusiek
Urola Kirol Elkarteko gizonezkoen eta emakumezkoen talde nagusietako kideek eta zuzendaritzak ohiko eskaintza egin diote Antioko amabirjinari, denboraldi berriari begira. Baloi bat, klubeko kolore horiko eta urdineko lorez osatutako sorta eder bat eta kamiseta bat eskaini diote Zumarragako ‘amatxori’, 14:00etan hasita egin den ekitaldian. Herriko alkate Mikel Serranok ere parte hartu du. Amaieran, argazkiak atera dituzte baselizaren kanpoaldean.
Arratsaldean Zumarraga-Urretxuko futbol txapelketa jokatuko dute, Argixao zelaian. Lehen partida 16:00etan hasiko da, eta Urolaren gizonezkoen lehen taldeak Ordiziaren aurka jokatuko du, eta bigarrenean, 18:00etan hasita, emakumezkoen lehen taldea Bergararen aurka neurtuko da.
