Kultur Aterkiak, Zarraparrak eta Zumarragako Udalak musika jaialdia antolatu dute uztailaren 21erako eta 22rako
Uxue Kerejeta, Andoni Ollokiegi, Hipatia eta Willis Drummond-ek joko dute
Kultur Aterkiak eta Zarraparrak, Zumarragako Udalaren babesarekin, musika jaialdia antolatu dute uztailaren 21erako eta 22rako. Uztailaren 21ean Uxue Kerejeta zumarragarrak eta Andoni Ollokiegik joko dute. Uztailaren 22an, berriz, Hipatia eta Willis Drummond taldeek. Lehenengo eguneko sarrerak 5 euro balio du eta bigarren egunekoak 12. Bi egunetako kontzertuez gozatzeko aukera ematen duenak, berriz, 15 euro. Sarrerak erosteko, sakatu hemen.
Bestalde, ekainaren 25ean, igandea, Flecha musikariak kontzertu akustikoa egingo du Urretxuko Motz tabernan. Sarrerak 4 euro balio du, baina Zarraparrazko bazkideak doan sartuko dira. Ez dago aurresalmentarik.
