Ertzaintzak gazte bat atxilotu zuen Urretxuko Iparragirre kalean larunbat goizean, aldamio batetik behera jaisten harrapatu ostean. Gertakariak 08: 15ean izan ziren, etxebizitzako jabeak gizon bat logelako armairuak arakatzen harrapatu zuenean.
Egileak, harrapatu zutenean, Iparragirre 1eko etxebizitzatik ihes egin zuen, eta jabeak gertatutakoaren berri eman zuen Sos-Deiak 112ra deituta.
Inguruan zegoen Ertzaintzaren patruila batek ustezko egileak fatxadako aldamioa jaisteko erabiltzen zuela ikusi zuen.
Ertzainek 31 urteko lapurra atzeman zuten, eta etxebizitzan lapurtutako bitxiak, dirua, kreditu-txartelak eta beste gauza batzuk aurkitu zizkioten. Horrenbestez, atxilotu egin zuten, indarra erabiliz egindako lapurreta delitua egotzita.
Bertaratutako ertzainek egiaztatu ahal izan zutenez, atxilotua sartu zen etxebizitzako pertsiana eta leihoa bortxatuak izan ziren.
Atxilotua ertzain etxera eraman zuten, beharrezko eginbideei ekiteko. Behin horiek amaituta, Bergarako Guardiako Epaitegiaren esku utzi zuten, eta hark espetxeratzeko agindu zuen.
