Telleria enpresa Argixao industrialdeko pabiloi ezberdinetan sakabanatuta dago eta 7.000 metro koadroko pabiloia egin du Urretxuko sarreran erosoago eta seguruago lan egin ahal izateko eta enpresari hazteko aukera emateko. Obra amaitzear da. Dagoeneko makinak pabiloi berrira eramaten hasi dira eta ekaina amaieran hasiko dira bertan lanean. Hilabete batzuetan bi tokietan lan egingo dute, lekualdatzea amaitu arte. 12,5 milioiko inbertsioa egin dute. Pabiloi berrian gehiago ekoiztu ahal dezakete, seguruago eta erosoago. Trailerrak Aparizio aldeko atetik sar daitezke, enpresa zeharkatu eta gasolindegi aldetik atera, adibidez.
Telleria enpresa Nicolas Telleriak sortu zuen duela 49 urte, Brinkolan. 1986an Zumarragako Argixao industrialdera joan ziren. 2005etik zentral hidroelektrikoentarako piezak mekanizatzen dituzte, batez ere. Alstom, Voith eta General Electric bezalako enpresa garrantzitsuentzat lan egiten dute. Amerikako Estatu Batuetan, Kanadan, Norvegian eta Suedian, besteak beste, zentral hidroelektrikoen aldeko apustua egin dute eta Telleriak horientzako eta beste askorentzako lan egiten du. Tamaina ezberdinetako piezak mekanizatzen dituzte. Orain arteko handiena, hiru metro eta mila kilokoa.
Atzo arratsaldean, Jon Luqui alkateak eta Igor Zubillaga, Jon Albisua eta Alex Gonzalez zinegotziek pabiloi berria bisitatu zuten, Jose Luis Romero enpresako arduradunarekin batera.
