Larunbatean, 10:00etatik aurrera, San Joan pilota txapelketako finalak jokatuko dituzte Ederrena pilotalekuan. B finalei dagokienez, aurrebenjamin mailan Xabatek eta Martinek, Ian eta Danielen aurka jokatuko dute; benjamin mailan Telleriak Gorjonen aurka; kimu mailan Erosterbek Ibañezen aurka eta haur mailan Urretabizkaiak Artetaren aurka. Final nagusiei dagokienez, aurrebenjamin mailan Pueyok eta Guineak, Tena eta Alberdiren aurka jokatuko dute; benjamin mailan Castillok Asurabarrenaren aurka; kimu mailan Madinak Zufiaurreren aurka eta haur mailan Gorostidik Cruzen aurka. Kadete mailan, Lapke klubeko Garmendiak eta Estensorok, Zazpi Itturri eta Intxurreko Gorostidiren eta Garaikoetxearen aurka jokatuko dute.
Partiden ondoren, Goierri kirol elkarteko pilota saileko gurasoek eta haurrek bazkaria egingo dute. Arratsaldean, haurrek eta gurasoek pilota jokoetan parte hartuko dute.
