“Gobernu talde berriak duela sei hilabete baino gehiago hartu zuen egoera aldatzeko konpromisoa. Ez du, ordea, inolako interesik agertu 2019an ezarritako ordutegi bereziko baldintzak negoziatzeko. Argi dago Eusko Jaurlaritzak ez dituela langileen baldintzak negoziatu nahi”
Sindikatuek salatu dute langileek baldintza gogorrei egin behar dietela aurre: gauez zein jaiegunetan lan egitea, txandakako lana, astean 47 orduko lanaldiak, kontziliaziorako eskubide eza, karga psikologikoa, lan arriskua… “Gainera, zentroko aldi baterako langileek oraindik ez dute erregulazio espezifikorik, Euskal Administrazioko gainerako langileek ez bezala, horiek araudi erregulatzailea baitute 2021etik. Egoera hori ez da berria, ordea. Izan ere, aurreko legegintzalditik dator. Lau urtetan gobernu taldearekin egindako bileretan ez zen urratsik egin eta agintaldiaren amaieran administrazioak adierazi zuen ez zutela hurrengo gobernu taldean eroriko zen erabakirik hartuko”.
Sindikatuek gogorarazi dute zentroko langileek ezinbesteko lana egiten dutela adingabe eta gazteak birgizarteratzeko.
