Urretxuko Donardegi baserriak eta Zumarragako Olarte baserriak sari asko lortu dituzte Gipuzkoako limusin behien txapelketan
Urretxuko Donardegi baserrikoek eta Zumarragako Olarte baserrikoek sariak lortu dituzte Gipuzkoako limusin behien txapelketan. 12 hilabete arteko urrixei dagokienez, Olartek lehen saria lortu du eta Donardegik hirugarrena. 12 eta 14 hilabete arteko bigetan, Donardegik bigarren saria lortu du eta Olartek hirugarrena. 14 eta 18 hilabete arteko bigetan, Donardegik lehen saria lortu du eta Olartek bigarrena. 18 eta 24 hilabete arteko bigetan, Donardegik lehen saria lortu du eta Olartek hirugarrena. 48 eta 60 hilabete arteko behietan, Donardegik bigarren eta hirugarren saria lortu ditu. 60 hilabetetik gorako behietan, Donardegik lehen saria lortu du. 12 eta 24 hilabete bitarteko idiskoetan, Donardegik lehen eta hirugarren sariak lortu ditu. Horretaz gain, Olartek hazitik sortutako animalia onenari saria lortu du eta Donardegik urruxarik onenari, idiskorik onenari eta ukuilurik onenari dagozkien sariak.
