Gaur arratsaldean Gabonetako argiak piztu dituzte. Zumarragan ekitaldia egin dute. Txokolate jana egin dute, musika eskolako trikitilariek jo dute eta Sare Solidarioko kideek argiak piztu dituzte. Sare Solidarioa gizarte arloko elkarteek osatzen dute. Mikel Serrano alkateak beraien lana goraipatu du, administrazioa heltzen ez den tokietara heltzen direlako. Sare Solidarioko Nerea del Barriok udalari eskerrak eman dizkio beraien lana goraipatzeagatik eta herritarrak abenduaren 5eko elkartasun azokara gonbidatu ditu.
Urretxun ez dute ekitaldirik egin, baina Gernikako Arbola plazako pinu erraldoiak eta Jose Mari Lasako bola erraldoiak jende asko erakarri dute. Asko izan dira bolaren eta pinuaren ondoan argazkia atera dutenak.
