2.500 euro baino gehiago bildu dituzte Urretxun eta Zumarragan bularreko minbiziaren ikerketaren alde
Geltokietako plazako merkatariek, Stylo ile-apaindegiak eta Ametsen Munduako Jennyk hainbat egitasmo jartzen dituzte martxan urtero, Katxalinen (bularreko eta ginekologiako minbiziagatik eragindako Gipuzkoako emakumeen elkartea) alde. Merkatariek festa antolatzen dute eta aurten 2.000 euro lortu dituzte. Stylo ile-apaindegian ile-sortak arrosak jartzen dituzte eta aurten 325,34 euro bildu dituzte. Jennyk, berriz, giltzatako solidarioak saltzen ditu Hirukia tabernan eta aurten 280 euro lortu ditu. Dirua Katxalini eman diote dagoeneko eta honek BioGipuzkoari emango dio ikerketarako. Katxalinek eskerrak eman nahi dizkie beraiei eta dirua eman duten guztiei.
