Antolatzaileek Gorka Garmendia eta Juanma Erostarbe omendu dituzte, pilotaren alde egindako lanagatik
Gaur goizean Gabon Kopako finalak jokatu dira Ederrena pilotalekuan, Goierri Kirol Elkarteko pilota sailak antolatuta. B finalei dagokienez, aurrebenjamin mailan Barkero eta Fernandezek 16 eta 3 irabazi diete Madina, Goitia eta Mendizabali. Benjamin mailan, Tena eta Asurabarrenak 16 eta 10 irabazi diete Pueyo eta Guineari. Kimu mailan, Pau, Romero eta Uriartek 16 eta 11 irabazi diete Erostarbe eta Burgosi. A finalei dagokienez, aurrebenjamin mailan Barrosok, Garciak eta Morenok 16 eta 4 irabazi diete Guinea eta Iani. Benjamin mailan, Zabalo eta Aquilesek 16 eta 13 irabazi diete Mantxola eta Salegiri. Kimu mailan, Madinak eta Goitiak 16 eta 9 irabazi diete Telleria eta Muruari. Haur mailan, Mendizabalek eta Gabirondok 18 eta 8 irabazi diete Urretabizkaia eta Gorostidiri. Bukatzeko, kadete mailako finalean, Aratz Garmendiak eta Unai Beristainek 18 eta 12 irabazi diete Imanol Arrieta eta Eneko Estensorori. Sari banaketa ekitaldiaren amaieran, antolatzaileek Gorka Garmendia eta Juanma Erostarbe omendu dituzte, esku pilotaren alde egindako lanagatik.
