Jon Erdozia eta Aritz Oiarbide lehengusu etxarriarrek irabazi zuten larunbatean Unai Etxeberria ‘Osinalde’ ezkiotarraren eta Igoin Pikabea ereñotzuarraren aurkako aizkora desafioa.
Pilotalekua lepo bete zen aizkora desafio honen kontura, eta harmailetan ikaragarria izan zen giroa, bikote baten aldekoen zein bestekoen txalo, kantu eta algarekin.
Desafioan mahai gainean jarritako 4.000 euroak irabazi zituzten nafarrek. Ia hasieratik joan zituzten aurretik, eta aurkariak baino ia bi minutu lehenago amaitu zuten azken enborraren lana. Erdoziak eta Oiarbidek 30’00”27-ko denbora egin zuten hogei kanaerdiko ebakitzen, eta Osinaldek eta Pikabeak 41’00”43-koa.
