Zumarragako Udalak Komunitatea zaindu: nola bizi eta nola zaindu programa aurkeztu du. Gizarte Zerbitzuen sailak bultzatu du, Elkarzainduz planaren barruan. Programa martxoaren hasieran hasi zen eta maiatzera bitartean gauzatuko da, Zelai Arizti kultur etxean, 17:30etik 19:30era, etorkizuneko zainketen plangintzan herritarrak sentsibilizatu eta ahalduntzeko helburuarekin.
Hainbat saio izango dira. Bakardadeari eta bizitza partekatuari buruzko bi antolatu dira: apirilaren 16an El inconveniente pelikula emango dute eta ondoren solasaldia egingo dute eta apirilaren 27an hitzaldia egingo dute. Zaintzaren kulturaren eraikitzea ere landuko dute. Horetarako, maiatzaren 11n Nola zaintzen dugun gaur solasaldia egingo dute, maiatzaren 18an Mugak eta erantzunkidetasuna eta maiatzaren 25ean Zaintzen duten herriak.
Programa honekin, Zumarragako Udalak zaintza komunitarioari jarraipena ematen jarraitzen du, parte hartzean, elkartasunean eta elkarrekiko laguntzan oinarritutako kultura indartuz. Programak errealitate sozial bati aurrera hartzeko beharrari erantzuten dio. Errealitate horren ezaugarriak bizitza itxaropen handiagoa eta ahultasun egoeren ugaritzea dira. “Aurrera hartu eta zainketei buruz hausnartzeak komunitate solidariago bat eraikitzeko aukera ematen digu, non geure burua zaindu eta zainduak izan gaitezkeen”, nabarmendu du Arantxa Gonzalez Gizarte Ongizate eta Berdintasun zinegotziak.
Komunitatea zaindu hiru modulutan eta bederatzi saio parte hartzailetan egituratzen da. Saioak Olaia Arana gizarte langileak emango ditu, gizarte eta osasun arloan eta gizarte esku hartzearen etikan esperientzia handia duen profesionalak. Topaketan zehar hainbat gai landuko dira, hala nola, zainketetan erabakiak hartzea, bakardadea, laguntza sareak, zaintzaren kultura eta familia harremanak. “Komunitate gisa hainbeste behar dugun elkarrekiko laguntza sarea bultzatzen du ekimen honek”, dio Gonzalezek.
Ekimenak udala arlo honetan egiten ari den lanari jarraipena ematen dio: Adinekoen Astea, Adinekoen Kontseilua, Hitz egin dezagun gure zainketez saioak, Jakin dezazun nahi dut tresna…
