Herritarren eskaria dela, Zumarragako Udalak ikasgela zerbitzua apiriletik abuztura ondorengo ordutegian luzatzea erabaki du: apirilaren 1etik 12ra egunero 07:30etik 21:30era, apirilaren 18tik uztailaren 26ra larunbatetan, igandetan eta jai egunetan 07:30etik 21:30era eta uztailaren 31tik abuztuaren 23ra egunero 07:30etik 21:30era. Eskaera egiteko epea martxoaren 31n amaituko da.
Ikasgelako erabiltzaileek hainbat betebehar dituzte:
– Batxilergotik gorako ikasketak (heziketa zikloak, unibertsitate ikasketak…) burutzen ari diren ikasleentzak eskaintzen den zerbitua da.
-Bakarka ikasteko ikasketa gela da. Beraz, isiltasuna gorde behar da.
– Mugikorrak itzali edo isiltasunen jarri behar dira. Hitz egiteko kalera atera behar da.
-Txartela pertsonala da eta ezin zaio beste pertsona bati utzi. Txartelik ez duenak ezingo du ikasketa gela erabili.
-Erabilera guztiak erregistratu behar dira, hala sarrera nola irteera. Sartu eta gero, atea itxi behar da. Horrela hurrengo erabiltzaileak bere sarrera edo eta irteera erregistratu ahalko du.
-Ezin da erreserbarik egin.
-Gehienez, 30 minututan gorde ahal izango da tokia.
-Ezin da erre. Ezin da jan. Ura baino ezin da edan.
-Ikasgelako azken erabiltzaileak argiak itzali eta atea itxi beharko du.
-Txartelarekin arazoren bat balego, udaltzaingoan jakin arazi beharko da.
Arauak errespetatzen ez badira, udalak ahalmena izango du sarrera baimena baliogabetzeko eta behar diren neurriak hartzeko.
