Juan Manuel Ruiz bizkaitarrak irabazi du Zumarragako jaietako xake txapelketa, Julen Albisuaren oroimenezko lehena
47 jokalarik parte hartu dute
Atzo (larunbata) Zumarragako jaietako xake txapelketa jokatu zen, Julen Albisuaren oroimenezko lehena. Goierri Xakek antolatu zuen, udalaren laguntzarekin. 47 lagunek parte hartu zuten: senior mailako 33k eta 15 urte azpiko 14k. Parte hartzaileen artean Bilbo, Donostia, Iruña, Irun, Errenteria, Tolosa, Durango, Gadakao, Azkoitia, Azpeitia eta Kantabriako (Espainia) jokalariak izan ziren. Senior mailan Biboko Conteneo klubeko Juan Manuel Ruiz Abad nagusitu zen. Bigarren postuan Beasaingo Alfil klubeko Sergio Belosillo sailkatu zen eta hirugarrenean Iruñeko Orvina klubeko Adolfo Ruiz Anton. Herriko lehenengoa Legazpiko Santikutz klubeko Unai Elias Torres izan zen.
15 urte azpikoen mailan, Durangoko Larrasoloeta klubeko Ekain Bengoetxea nagusitu zen. Bigarren postuan Azkoitiko Anaitasuna Kakute klubeko Luken Pascual Aranguren sailkatu zen eta hirugarrenean Galdakaoko Eguzkibegi Ikastola klubeko Kimetz Benito Alonso. Emakumezko onenari dagokion saria Anaitasuna Kakute klubeko Lucia Fernandez Betetek irabazi zuen.
Gainera, urdaiazpiko bat zozkatu zuten. Irungo Juan Manuel Reyes Saavedrak irabazi zuen.
Antolatzaileek eskerrak eman nahi dizkiote Estitxu Gomez Zumarragako Udaleko Kultur teknikariari, urtero eskaintzen dien laguntzagatik.
Goierri Xake klubak xake eskola jarriko du martxan urrian. Parte hartu nahi dutenek edo informazio gehiago nahi dutenek, goierrixake@gmail.com helbidera idatzi behar dute. Herritarrak parte hartzera animatu dituzte.
