Urretxu eta Zumarragako udalek 2026ko Euskara eta Hezkuntza arloko diru-laguntzen oinarri bereziak argitaratu dituzte. Laguntza hauen helburua euskararen ikaskuntza, erabilera eta normalizazioa sustatzea da. Horretarako, lau diru-laguntza lerro aurreikusi dira.
- 1. Barnetegietan edo herritik kanpoko euskaltegietan euskara ikasten duten herritarrentzako laguntzak, baita aisialdiko begirale titulua euskaraz ateratzen dutenentzat eta UEUko edo euskararen normalizazioarekin lotutako uda-ikastaroetan parte hartzen dutenentzat ere.
- 2. Kanpoko eta barruko errotuluetan, irudi korporatiboan eta webguneetan euskararen erabilera sustatzen duten establezimendu eta erakundeentzako laguntzak.
- 3. Euskararen erabilera sustatzeko eskolaz kanpoko jarduerak antolatzen dituzten ikastetxeentzako laguntzak.
- 4. Kirol klubetako entrenatzaile eta begiraleak euskaraz prestatzeko gastuetarako laguntzak.
Aurtengo deialdian bereziki nabarmendu nahi da aisialdiko begirale titulua euskaraz eskuratzen duten herritarren aldeko apustua. Udalen helburua haur eta gazteen aisialdiko jardueretan euskararen presentzia handitzea da, eta horretarako ezinbestekoa da begiraleak euskaraz trebatuak izatea.
Diru-laguntza eskuratzeko, prestakuntza osoa euskaraz egin behar da, ikastaroak Eusko Jaurlaritzaren onarpen ofiziala izan behar du eta titulua edo eskolaren ziurtagiria aurkeztu beharko da, atal teorikoa eta praktikoa gainditu direla egiaztatuz 2026. urtean.
Laguntzak matrikularen kostuaren %50era arte iritsi daitezke, bi ikasturte izan badira, biak kontuan hartuz.
Eskabideak urte osoan zehar aurkeztu ahal izango dira, baina 2026ko diru-laguntzetarako eskaerak aurkezteko azken eguna urriaren 31 izango da.
