Otamotz

Goierriko Hitza Goiberri

Albisteak

Bertatik Bertara azoka egingo dute larunbatean Zelai Arizti parkean

Bertatik Bertara azoka egingo dute larunbatean Zelai Arizti parkean
urria 23
09:48 2019

Bertatik Bertara azokaren bigarren edizioa egingo dute larunbat honetan Zumarragako Zelai Arizti parkean. Zazpi ekoizlek parte hartuko dute. Ogia, sagarrak, eztia, barazkiak, oilaskoak, esnekiak eta txahal haragia salduko dituzte. Gainera, haurrentzako tailerrak eta haragi pintxoak egongo dira eta saskiak zozkatuko dituzte.

Azoka 09:00etan irekiko dute. Haurrentzako tailerrak, berriz, 11:00etan hasiko dira. Horretaz gain, Urretxuko Donardegi baserriko txahal bat erreko dute. Pintxoak euro batean jarriko dituzte salgai. Pintxoak erosten dituztenen artean bertako produktuak zozkatuko dituzte. Zozketa 14:00etan izango da.

Aurten zazpi ekoizlek parte hartuko dute. Itsasoko Haristizabal baserrikoek ogia eta sagarrak salduko dituzte; Gabiriako Baztarrika baserrikoek gazta; Urretxuko Aikur erle museokoek eztia, propolia eta argizaria; Zumarragako Martimuño baserrikoek barazkiak; Urretxuko Beain baserrikoek oilaskoak eta sagarrak; eta Urretxuko Agerre baserrikoek esnekiak eta baraz- kiak.

Horretaz gain, Zumarragako Leturiondo baserrikoek beraien eskaintzaren berri emango dute. Leturiondokoak txahal haragia saltzen hasi dira.

Aurkezpena

Bertatik Bertara azoka atzo eguerdian aurkeztu zuten Areizaga-Kalebarren plazan. Ekitaldian Aikurreko Aitor Otegik, Donardegi baserriko Mikel Elgarrestak eta Leturiondoko Aimar Alberdik parte hartu zuten.

Otegik azokaren helburua inguruko herrietan ekoizten diren produktuak erakustea dela esan zuen. Hala, Leturiondokoek beraien egitasmo berria ezagutzera emateko baliatuko dute. Zumarragako baserri honetan pirenaika arrazako behiak dituzte. Guztira, 20 bat buru. Orain arte Urretxuko eta Zumarragako harategiei saltzen zieten, baina hemendik aurrera salmenta zuzena ere landu behar dute. Bost kiloko loteak saltzen dituzte, 65 euroan. Lote horiek 600 gramoko zortzi pakete dituzte: xerrak, gisatzeko haragia, txuleta, haragi xehetua, saiheskia, zankarroia…

Iazko Bertatik Bertara azokan Leturiondoko txahal bat erre zuten eta arrakasta itzela izan zuen. Aurten, Donardegiko txahal bat erreko dute. «Gure ganadua lehiaketengatik ezagutzen dute, baina haragitarako arraza izanda (limusin arraza), komertzializazioa ere kontuan hartu beharra dago. Orain arte ganadua beste baserritar batzuei saldu diegu, baina hemendik aurrera beharbada buru batzuk zuzenean haragitarako salduko ditugu. Jende askok gure behiak politak direla eta ondo zainduta daudela esan digu, eta aurten lehenengoz beraien haragia probatu ahal izango da», aipatu zuen Elgarrestak.

Elkarbanatu

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

5 + 2 =


Iruzkin berriak

Sebas Iturriotz: Bihotzekoa eman dio erdarakada ("Kalko okerra") da, bihotzekoak jo du edo bihotzekoak jota hil da [...]

Amaia Etxaniz: Ni Oskarbik kaleratu dituen 7 langileetako bat baiz. Pertsona guztiak bezala nire defektuak baditut, baiña [...]

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]