Otamotz

Goierriko Hitza Goiberri

Albisteak

Erretiro aktiboa sustatzeko tailerra antolatu du Zumarragako Udalak

Erretiro aktiboa sustatzeko tailerra antolatu du Zumarragako Udalak
iraila 20
10:43 2019

Zumarragako Udalak eta Bizipoz kooperatibak bizilagunen artean erretiro aktiboa sustatzeko tailerra antolatu dute. Saioak urriko eta azaroko zortzi ostegunetan izango dira, 10:00etatik 12:00etara, Zelai Arizti kultur etxean.

Tailer hau 55 urtetik gorako bizilagun guztiei zuzendua dago. Bizipoz enpresako adituek emango dute eta «aktiboa eta dinamikoa» izango da.

Saio bakoitzean gai bat landuko dute: osasuna (zer den osasun ona edukitzea, nola zaindu osasuna), elikadura (elikagai ezberdinak, etiketetan jartzen duena ulertu…), ariketa fisikoa, teknologia berriak (sare sozialak, telefonoaren erabilpena…), bidaiak (telefonoaren erabilpena bidaiak antolatzeko…), testamentuak, pentsioak eta Zumarragan zahartze aktiboarekin lotuta dauden zerbitzuak.

Adituen laguntzarekin

Bizipoz enpresako Beatriz Santamariak eta Eider Etxebarriak adituen laguntzarekin lan egingo dute: osasun mundukoak, EHUko irakasleak…

Tailer honetan parte hartu nahi duten herritarrek urriaren 1a baino lehen eman behar dute izena. Horretarako, Zumarragako Udalaren Gizarte Zerbitzuetara jo behar dute. Telefono zenbakia 943 72 91 55 da.

Urriaren 3an, Bizipoz enpresako Santamaria eta Etxeberria parte hartzaile guztiekin elkartuko dira, banaka. 20 minutuko elkarrizketa egingo dute, parte hartzaile bakoitzaren profila, nahiak eta beharrak ezagutzeko helburarekin.

Tailer hau Elkarzain programaren barne antolatu dute. Zumarragako Udalak aurreko legealdiaren amaieran jarri zuen abian egitasmo hori, herritarrek elkar zaintzeko helburuarekin.

Bizipoz tailerra asteazkenean aurkeztu zuten, Zumarragako kultur etxean. Ekitaldian Santamariak, Etxebarriak eta Arantxa Gonzalez Gizarte Zerbitzuetako zinegotziak parte hartu zuten.

Gonzalezek Forbes España aldizkariak Bizipoz enpresa zerrenda batean aukeratu duela gogoratu zuen: 30 urte azpikoen 30 enpresa esanguratsuenen zerrenda.

Elkarbanatu

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

7 + 7 =


Iruzkin berriak

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]

Igor: Liberazioekin pasatzen ari dena udal mailan ikaragarria da. Ya ez da bakarrik Urretxu batek 4 [...]

Eki: Joder Bildu, beti liberazioen aurka (alkatearena izan ezik) eta orain Zumarragan 4 liberazioen alde!!! Polítika [...]