Otamotz

Goierriko Hitza Goiberri

Albisteak

Gorka Hermosak ‘Atlantia Ë Ria’ proiektua aurkeztuko du igandean Urretxun

Gorka Hermosak ‘Atlantia Ë Ria’ proiektua aurkeztuko du igandean Urretxun
urria 25
09:34 2019

Gorka Hermosa akordeoilari urretxuarrak Atlantia Ë Ria proiektua aurkeztuko du igandean, San Martin de Tours elizan. Udazkeneko Musika Zikloaren barruan antolatutako kontzertua hau 19:00etan hasiko da.

Atlantia Ë Ria egitasmoa Hermosak, Piruchi Apo soprano ginearrak eta Jose Luis Monton gitarra jotzaile espainiarrak jarri dute abian.

Ë Ria hitzak herria esan nahi du Aporen ama hizkuntzan (bubia). Bi hizkuntzetako hitzak oso antzekoak direla konturatu zirenean, ozeano Atlantikoko herrietako musiken fusioa egitea erabaki zuten. Egitasmo honen bitartez itsasoaren kultura topaleku funtzioa aldarrikatu nahi dute.

Afrika, Amerika eta Europa

Egitasmo berritzaile honek hiru musikarien musika tradizioak uztartzen ditu. Proiektu honetan tangoa, zortzikoa, buleria, fandangoa, kunderea, tinga… nahasten dituzte.

Urretxun taldeak sortutako kantak eta hiru musikariek lehenago konposatutakoak joko dituzte. Azken horiek taldearen izaerara egokitu dituzte.

Hermosak ez du aurkezpenik behar. Urretxuarra akordeoiaren prestigioa hobetzeko gogor lan egin du. Gasteizko kontserbatorioan ikasi zuen eta ikasketak Ohorezko Sariarekin amaitu zituen. Bera izan zen Espainiako orkestra sinfoniko batekin bakarlari bezala jo zuen lehen akordeoilaria. Ordutik, orkestra askorekin jo du. Urteko konposizio onenaren saria bi aldiz irabazi du eta bere obrak bost kontinenteetako akordeoilariek jotzen dituzte.

Estilo oso ezberdinak jotzen ditu, musikari oso ezagunekin jo du, 30 disko baino gehiagotan parte hartu du eta akordeoiaren historiari buruzko lau liburu idatzi ditu.

Apo Afrikako abeslari ezagunenetako bat da. 1992ko Expoaren inaugurazioan eta OTI jaialdian parte hartu zuen. Las Hijas del Sol duoko kidea izan zen eta giza eskubideen aldeko hamaika ekimenetan parte hartu du.

Montonek flamenkoa jotzen du batez ere eta Bartzelona, Nimes eta Madrilen sariak lortu ditu. Herrialde ezberdinetan jo du orkestra garrantzitsuekin eta Espainiako Ballet Nazionalaren azken ikuskizuneko musika konposatu du. Hiru musikari hauek bi kolaboratzaile dituzte: Antony Da Cruz baxu jotzailea eta Odei Lizaso perkusionista.

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

5 + 3 =


Iruzkin berriak

Sebas Iturriotz: Bihotzekoa eman dio erdarakada ("Kalko okerra") da, bihotzekoak jo du edo bihotzekoak jota hil da [...]

Amaia Etxaniz: Ni Oskarbik kaleratu dituen 7 langileetako bat baiz. Pertsona guztiak bezala nire defektuak baditut, baiña [...]

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]