Otamotz

Goierriko Hitza Goiberri

Albisteak

Naiara Elgarresta urretxuarrak diseinu lehiaketa bat irabazi du

Naiara Elgarresta urretxuarrak diseinu lehiaketa bat irabazi du
urtarrila 15
09:50 2020

Naiara Elgarresta diseinatzaile urretxuarrak Yo soy Bisutex lehiaketa irabazi du. Horri esker, bere poltsak Madrilgo nazioarteko bisuteria eta osagarri ferian erakutsi ahal izango ditu. Bisutex feria Ifema erakustazokan egingo dute, otsailaren 6tik 9ra.

Diseinatzaile urretxuarra oso gustura ageri da, noski. «Lehiaketa horretan diseinatzaile askok parte hartzen dute eta ez nuen irabaztea espero. Oso pozgarria izan da. Izan ere, nire poltsak bertan erakustea aukera bikaina da». Elgarrestari umetatik gustatzen zaio moda mundua. Umetan aitari Donostiara eramateko eskatzen nion, zapata dendak ikustera. Bere helburua Florentziako unibertsitatean Zapata eta Osagarrien Diseinua ikastea zen eta ametsa betetzea lortu zuen.

Horretarako gogor lan egin behar izan zuen. Batxilergoa bukatu zuenean bi urte eman zituen Londresen. Izan ere, Florentziako unibertsitatean ikasteko ingelesa behar zuen. Ikasketak bukatu zituenean Italian gelditzeko aukera eduki zuen, Chanel-entzat lan egiten, baina etxera itzultzeko gogoa zuen.

Gaur egun, Juncal Aguirre markako alpargatak egiten dituen Calzanor enpresan diseinatzaile lana egiten du. Enpresa hori Irungoa da. Diseinuzko alpargatak egin eta mundu guztian saltzen dituzte. Japonian arrakasta handia dute.

Oinetakoak

Horretaz gain, Elgarrestak luxuzko poltsak ekoitzi eta bere izena daraman webgunean saltzen ditu. Etorkizunean zapatak egin nahi ditu, baina hori erronka handia da. Hori dela eta, oraingoz poltsa munduan lan egiten ari da, buru-belarri.

Bisutex ferian orain arte egindako lana aurkeztuko du; lau poltsa eta gerriko poltsa bat diseinatu ditu. Madrilgo Bisutex ferian mundu osoko 550 diseinatzailek parte hartuko dute.

Elkarbanatu

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

5 + 2 =


Iruzkin berriak

Luis Bengoetxea: Gora Luis!!!!!!!!! [...]

Pako: Lotsagarria greba eguna aprobetsatuz, propaganda politikoa egitea..U30 greba orokorra [...]

lizarriturri: Benetan, nik ya ez dakit zeintzuk dian Goierriko Hitzan kriteriok. Atzo hamaika ibilgailuk elkar jo [...]

Igor: Ama aipatzen hasita, bigarren abizena agertzea ez legoke gaizki. [...]