Otamotz

Goierriko Hitza Goiberri

173. alea

Nazkatuta nago (173. alea)

Nazkatuta nago (173. alea)
abendua 19
17:18 2011

Krisia hitza gure eguneroko hiztegian betiko kontua denetik, nazkatuta nagoela esan beharrean nago. Are nazkatuago krisiaren aitzakian egiten ari diren hamaika astakeria jasateaz.

Aitortu behar dut makroekonomiaz eta finantza kontuez ezer gutxi dakidala, baina bere zergak ordaintzen dituen langile gisa, eta Europako herritar izatera behartuta nagoen heinean, zenbait gauza esateko moduan banagoela iruditzen zait. Europako agintariek eta gobernuek lehentasuna eman diote duten zorra ordaintzeari, eta horiei aurre egiteko gizarte gastuak murriztuko dizkigute. Rajoik ez du jarraituko duen politika ekonomikoaren gaineko zehaztasunik eman, baina aurrekoek egin duten moduan Europak agindutakoari men egingo dio seguru, eta horrek, guraizeak sartzea ekarriko du. Lanpostuak sortzea eta tokian tokiko ekonomia bultzatzea behar beharrezkoa den une honetan, administrazioak gizarteko sektore ahulenari erasotuko dio, langileenari, hain zuzen. Haatik, Europak bere indar guztiak jarri ditu bankuak erreskatatzean. Izan ere, ekonomiak, arrainak ura bezala, beharrezkoak ditu bankuen maileguak bizirauteko, baita zenbait agintari eta politikariek ere euren poltsikoak ondo beteta edukitzeko. Baina ezin ahaztu finantza erakunde eta banku horiek diru publikoarekin, guztion diruarekin lagundu dituztela, eta orain diru hori erabiltzen ari dira herritarren ongizatearen aurka joateko. Nazkatuta nagoela esatea gutxiegi izango delakoan nago…

Josune Zarandona

Elkarbanatu

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

8 + 9 =


Iruzkin berriak

Sebas Iturriotz: Bihotzekoa eman dio erdarakada ("Kalko okerra") da, bihotzekoak jo du edo bihotzekoak jota hil da [...]

Amaia Etxaniz: Ni Oskarbik kaleratu dituen 7 langileetako bat baiz. Pertsona guztiak bezala nire defektuak baditut, baiña [...]

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]