Otamotz

Goierriko Hitza Goiberri

Albisteak

Urretxuko jaiak ekitaldiz gainezka datoz, udalaren eta taldeen eskutik

Urretxuko jaiak ekitaldiz gainezka datoz, udalaren eta taldeen eskutik
iraila 07
10:35 2016

Urretxuko Santa Anastasiak herritarrek herritarrentzat antolatutako jaiak dira eta aurtengo egitarauan ere argi eta garbi ikusten da hori: adin guztikoentzako ekitaldiak daude eta asko eta asko herriko elkarteek antolatutakoak dira.

Egitaraua atzo aurkeztu zuten udaletxeko areto nagusian. Ekitaldian Jon Luqui alkateak, Maialen Fidalgo Gizarte Ekimeneko barzordeburuak eta hainbat elkartetako kidek parte hartu zuten.

Alkateak jaien antolaketan parte hartzen duten taldeen lana goraipatu zuen. Fidalgok emakumezkoen eta gizonezkoen arteko berdintasunaren alde antolatutako egitasmoei eta adinekoen egunari buruz hitz egin zuen.

Alkatearen eta zinegotziaren aurkezpenaren ondoren, elkarteetako kideek hitza hartu zuten. Ikastolako Jone Aldalurrek pregoia irakurtzea «ohore bat» dela esan zuen eta eskerrak eman zizkien ohore hori eman dietenei. Pregoian ikastolaren historian garrantzia izan dutenak gogoratuko dituztela aurreratu zuen.

Lurra taldeko Junkal Osinaldek beraiek antolatzen duten folklore jaialdiaz hitz egin zuen. Aurten, Paraguaiko talde batek parte hartuko du, besteak beste.

Bertso eskolakoei dagokienez, urtero bezala, hainbat ekitalditan parte hartuko dute. Gorka Azkaratek apaizak Euskal Jai eguneko mezan abestea eskaini diela aipatu zuen.

Kontsumo arduratsua

Gazte Bidean zerbitzukoek, berriz, hainbat ekitaldi antolatu dituzte: txupinazo aurreko jolasak, Euskal Jaiko hamaiketakoa, hilaren 23ko belaunaldien arteko topaketa… Gainera, txosnetan alkoholaren kontsumo arduratsua bultzatuko dute.

Lekaio elkartekoei dagokienez, aurten ere basoko lanak izango dira goizeko Euskal Jaialdiko protagonistak. Egurrarekin nola eraikitzen zen erakutsiko dute. Jorge Anduezak, berriz, gastronomia lehiaketan ‘ajoarriero’ bakailaoa prestatuko dutela eman zuen ezagutzera.

Juanjo Sagastibeltzak hilaren 17an idi-probak egongo direla eta 19an kuadrillak sokatiran arituko direla azaldu zuen. Zarraparrako Gaizka Oiartzabalek hilaren 17an Blues&Decker eta Los Deltonos taldeek joko dutela iragarri zuen. Bukatzeko, larunbat honetako Txalaparta Eguna eta hilaren 17ko txistularien alardea aipatu zituzten.

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

9 + 2 =


Iruzkin berriak

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]

Igor: Liberazioekin pasatzen ari dena udal mailan ikaragarria da. Ya ez da bakarrik Urretxu batek 4 [...]

Eki: Joder Bildu, beti liberazioen aurka (alkatearena izan ezik) eta orain Zumarragan 4 liberazioen alde!!! Polítika [...]