Otamotz

Goierriko Hitza Goiberri

Albisteak

Urretxuko Udalak %0,5 igo ditu tasak eta zergak, aho batez

Urretxuko Udalak %0,5 igo ditu tasak eta zergak, aho batez
urria 22
09:41 2019

Urretxuko Udalak tasak eta zergak %0,5 igotzea onartu du, aho batez. Igoera hori KPIaren igoeraren baliokidea da.

Zerga eta tasa gehienak %0,5 igoko dira, baina salbuespen batzuk egongo dira. Zaborren tasa ez da igoko. Udalak herritarren jarrera ona saritu nahi du. Izan ere, birziklapen tasa bi puntu igo da azken urtebete honetan. %79ra heldu da.

Uraren tasa, berriz, %1,9 igoko da. Gipuzkoako Ur Kontsortzioak uraren prezioa igo duelako eta langileen lan baldintzak hobetu nahi dituelako erabaki du udalak tasa hori igotzea.

Kiroldegiko prezioei dagokienez, igoera azken urteetakoa baino txikiagoa da. 2017an, 2018an eta 2019an igoera %5ekoa izan zen, zerbitzuak behar bezala ordaintzeko eta inbertsioak egiteko. 2020an, berriz, igoera %0,5ekoa izango da. Gainera, igerilekuko abonamendua mantentzea erabaki da. Abonamendu hori iaz jarri zen martxan herritarrek eskatuta eta arrakasta handia izan du.

Bestalde, Hirigintza eta Ogasun batzordeek egindako azterketaren ondoren, jarduerengatik ordaintzen den tasa aldatzea erabaki da. Orain arte, jardueraren arabera gehiago edo gutxiago ordaintzen zen. Hemendik aurrera, jardueraz gain, negozioak okupatzen duen sailaren tamaina ere kontuan hartuko da.

Obrak egiteagatik ordaintzen den tasan ere aldaketak egin dira. Orain arte obra handiak eta txikiak bereizten ziren. Hemendik aurrera hiru bereiziko dira: 12.000 euro edo gutxiagokoak, 12.001 eta 30.000 euro bitartekoak eta 30.000 eurotik gorakoak.

Tasa berriak ere onartu ziren: lizeo azpiko lokala erabili nahi dutenentzat (irabazi asmoa dutenek bakarrik ordainduko dute) eta Iparragirre 2020 egitasmoarekin lotutako merchandising produktuei dagokiena.

Ordenantza fiskalak onartzeaz gain, alkate kargua alkateak bere familiako enpresetan dituenekin bateragarria dela aitortu zuten. Irailaren 1a geroztik alkateak udaletxean duen lan jarduna %75ekoa da.

Bestalde, Sarraldeko entsegu lokalen araudiaren aldaketa onartu zuten. Musika taldeek 09:00etatik 01:00etara erabili ahal izango dituzte lokal horiek.

Kataluniako prozesua

Bukatzeko, EAJk eta EH Bilduk Espainiako Auzitegi Gorenak Kataluniako prozesuari buruz emandako epaiari buruzko adierazpena irakurri zuten. Demokraziaren adierazpen baketsua gauzatzea eta herriari hitza ematea ez dela delitua ziurtatzen dute, Auzitegi Gorenak eta Estatuko botereek Kataluniako agintari eta gizarte eragileei bizkarreratutako auzia eta ezarritako zigorrak ezin direla justifikatu adierazten dute, epaiak zuzenbide estatuaren itxuragabetzea dakarrela nabarmentzen dute, Estatu espainiarraren erantzun bortitzak euskal herritarrei zuzenean eragiten diela azpimarratzen dute herrian borondatea era demokratiko eta baketsuaz erabakitzea mozten duelako, Estatuko botereei preso politikoak aske uzteko eskatzen diete eta Kataluniako preso eta erbesteratu politikoei elkartasuna adierazten diete.

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

4 + 4 =


Iruzkin berriak

Sebas Iturriotz: Bihotzekoa eman dio erdarakada ("Kalko okerra") da, bihotzekoak jo du edo bihotzekoak jota hil da [...]

Amaia Etxaniz: Ni Oskarbik kaleratu dituen 7 langileetako bat baiz. Pertsona guztiak bezala nire defektuak baditut, baiña [...]

Josu Aztiria Urtaran: Kaixo Eki: Zalantzan egon naiz erantzun edo ez, anonimoekin eztabaidatzea ez zidalako gustatzen eta Otamotz.eus-eko foro [...]

Ortzi: Ez kezkatu Igor, oposizioko liberatuak argituko dizkigu zalantza guztiak [...]