Otamotz

Goierriko Hitza Goiberri

Albisteak

Zumarragako ospitaleko aparkaleku berria egiten hasi dira

Zumarragako ospitaleko aparkaleku berria egiten hasi dira
uztaila 12
10:48 2018

Zumarragako ospitaleko aparkaleku berriko obra abian da. 203 autorentzako tokia izango du eta urte amaierarako prest egotea espero da.

Mikel Serrano alkateak prentsaurrekoa egin zuen atzo obran bertan. «Udalak urte asko daramatza aparkaleku hau egin nahian eta obra abian da azkenean. Osasun sailaren 2015eko aurrekontuetan aparkaleku hau egitea aurreikusten zen, baina arrazoi ezberdinak medio, azkenean ez zen egin».

Azkenean, Ingurumen sailaren laguntzarekin egingo da. Lehiaketara zortzi enpresa aurkeztu ziren eta udalak Campezori esleitu zion obra. 588.000 euroko aurrekontua izango du.

Ospitaleko_aparkaleku_berr-1Lanek bost edo sei hilabete iraungo dute, eguraldiaren arabera. Hala, urte amaierarako edo datorren urte hasierarako prest egongo da.

Aparkalekua 8.000 metro koadroko lursail batean egingo da, Iturbene baserria zegoen tokian. Lursail hau kanpoko kontsulten eraikin berriaren eta geriatrikoaren artean dago. Hala, aparkalekura bi tokitatik sartu ahal izango da: ospitaleko sarreratik eta geriatriko aldetik.

Serranok aparkalekua «beharrezkoa» dela esan zuen. Izan ere, ospitaleko aparkalekuak aspaldi gelditu ziren txiki. Kanpoaldean beste bat egin zen, baina hori ere bete egiten da. «Zumarragako ospitaleak eskualde ezberdinetako 100.000 laguni ematen die zerbitzu. Beraz, gaurkoa egun handi bat da zumarragarrontzat, baina baita inguruko herrietako bizilagunentzat ere».

Ospitalean, Zumarragako Udalaren ekimenez, hobekuntza asko egin direla gogoratu zuen. «Azken urteetan kanpoko kontsultetako eraikin berria eta erresonantzia magnetikoa egin dira. Aparkalekua ez da beste bi hauek bezain garrantzitsua, baina beharrezkoa da».

Egileari buruz

Otamotz

Otamotz

Harremana duten artikuluak

0 iruzkin

Oraindik erantzunik gabe!

Momentuz ez dago erantzunik, zurea gehitu nahi al duzu?

Idatzi iruzkin bat

Idatzi iruzkin bat

Zure e-posta helbidea ez da argitaratuko.
Derrigorrezko eremuak markatuta daude *

1 + 3 =


Kilometroak

Kilometroak

Iruzkin berriak

Sebas Iturriotz: Kilometroak 2018an ateratzen dira kontuok: LABORAL KUTXA: ES77 3035 0027 76 0270053696 KUTXABANK: ES53 2095 5001 [...]

josu mendia: zuen kontua ezagutu nahi dut nire laguntza txikia sartzeko, baina ez dut aurkitu . Zaharra [...]

jon: Zer daude maila ezberdineko herritarrak ala? Neurri honekin bertako bizilagunak kaltetuta ateratzen dira. Neurri hau [...]

Aitor: Garbitzaile danak emakumezkoak eta batzordeko danak gizonezkoak. Ba hoixe. [...]