Mountain Bike zaletasuna, duela urte batzuk sortu zen gure herrietan, eta oso denbora laburrean indar handia hartu duo Indar hau aprobetxatuz, Urola Kirol Elkarteko atletismo sailak, J.A. Merino buru zuelarik, Zumarraga herriko Lehen Mountain Bike proba antolatu zuen.
Lehen proba honek izandako arrakasta eta oihartzunak Gipuzkoako nahiz Euskadiko Txapelketa antolatzeko bide eman zuten. Aurten, berriz, Madrid eta Jaca hautagai izan badira ere, Zumarragari eskaini zaio Espainiako VI. Mountain Bike Txapelketa antolatzeko aukera, uztailak 24 eta 25ean ospatuko dena.
Txapelketak bi atal izango ditu: «Cross Country» eta «Jaitsiera». Eta mailak hauexek izango dira: junior, senior eta beteranoak, gizonezkoak nahiz emakumeak parte har dezaketelarik.
Bi egunetan zehar estatuko Mountain Bike txirrindulari trebeenak (baita txirringa garestienak ere, jakina) ikusteko aukera izango dugu. «Jaitsiera» proba benetan ikuskizun zirraragarria suertatuko delakoan gaude. Ez ezazu aukera hau galdu, inolaz ere!
