Txarli bere lehengusuen eraginez zaletu zen musikara. “9 urterekin AC/DC eta Iron Maiden entzuten nituen jada”. Txarlik aipatu digunez, Spezial Guest taldekoek bere kontura diskoa ateratzeko asmoa dute.
-Zer izan nahi zenuen umetan?
Musika talde bateko kidea.
-Aisialdian zer egitea atsegin duzu?
Musika entzutea, musika jotzea, pelikulak ikustea… eta mendira joatea ere bai.
-Bizitzeko toki bat?
Urretxu. Bartzelonan ere gustura biziko nintzateke, hango giroa hemengoaren antzekoa baita.
-Gustuko musika taldea?
Faith No More, Alice In Chains, Guns n’ Roses…
-Gustuko abeslaria?
Faith No More taldeko Mike Patton eta Michael Monroe. Eskenatokia betetzen duten abeslariak atsegin ditut.
-Non gustatuko litzaizuke jotzea?
Jam aretoan. Sarritan eskaini dugu geure burua bertan jotzeko, baina ez digute sekula deitu. Madrilera ere gustura joango nintzateke, terroristak garela esan eta jotzen utzi ez diezaguten.
-Bizitza drama ala komedia al da?
Denetik dago, baina, egia esan, adin batetik aurrera drama askogatik nagusitzen da.
-Zerk eragiten dizu barregura?
Eguerdiko 12etatik aurrera ia denak barregura eragiten dit. Ia denetaz barre egiten dut, baita barre egiteko modukoak ez direnetaz ere.
-Nork barre eragiten dizu?
PPkoek barregura handia eragiten didate, telebista saio propioa izan beharko lukete.
-Nork ez dizu barregura zipitzik eragiten?
Javier Sardak eta berekin lan egiten dutenek.
-Jon Plazaola ala McRea?
McRea herrian aitzindaria izan da, baina Jonek lan handia egin du.
-Tabernan eskatu dizuten edaririk xelebreena?
Garagardoa kiwiarekin. Oso itxura arraroa zuen, baina edan egin zuten eta baita gehiago eskatu ere!
-Ilehoriak ala beltzaranak?
Ilegorriak ere bai…
-Egindako azken oparia?
DVD-erreproduzitzailea.
-Eta jasotakoa?
Jostailuzko robota. Garai bateko jostailuak asko gustatzen zaizkit.
-Data bat?
Egunik garrantzitsuena nire bizitza hasi zeneko hura da. Urterokoen artean, Santa Lutzi eguna atsegin dut.
-Neska eta mutil izen bana?
Nire ilobenak: Markel eta Usue.
-Zein egunkari irakurtzen duzu?
Gara. Batzuetan DV ere bai, gezurretan nor ari den ikusteko.
-Gustuko telebista saioa?
“Noche de impacto” oso graziosoa da.
-Bereziki gorroto duzuna?
Tele 5 kateko guztiak.
-Liburu bat?
“American psycho”.
-Filme bat?
“Uno de los nuestros” eta “Toro salvaje”.
-Gustuko abestia?
Guns n’ Roses taldearen “Breakdown”.
-Soinu bat?
Gitarrarena.
-Usain bat?
Piztu gabeko zigarroarena.
-Janari bat?
Olagarroa.
-Ura ala…
Garagardoa, brandy-a, vodka laranjarekin…
