Gaur, osteguna 19, 19:00an Zumarragako EB-ren egoitzan zerrendaburuen aurkezpena egon da. Aurtengo EB-Aralarren zerrendaburua 29 urte dituen Raquel Ropero izango da. Bigarren Juan Carlos Gómez agertuko da eta hirugarren joandako lau urteetan zehar Zumarragako Udaleko kultur zinegotzia izan den Diego Calvo (28 urte). Zerrenda gaztea aurkeztu dutela esan dute, batez-beste 32 urte. Hauteskunde hauetarako EB-Aralarren programa ere aurkeztu dute, honako puntu hauek jorratuz.
- Etxebizitza:
- Hutsik dauden etxeak arazo bat direla diote eta alokairuan jartzearen aldekoak omen dira.
- Alokairuaren aldeko apustua ere egin dute horretarako bideak samurtuz.
2. Gazteria eta aisia:
- Aisialdi azpiegitura txarra da eta gune berriak sortzearen aldekoak dira, Kafe Antzokiaren proiektua begi onez ikusten dute.
- Lizeoa beste modu batera erabili beharko litzatekeela ere aipatu dute. Publikoari irekita egongo litzatekeen esparru bat izan behar lukeela uste dute. Horretarako Lizeoa Ikastola berriaren eraikuntzara aldatu beharko litzateke.
3. Ingurugiroa:
- Ingurugiro arazoa ere larria omen da Zumarragan, ez dela serio hartzen eta Agenda 21 eta horrelako ekintzek ez omen dute ezer konpontzen. Kezkatuta agertu dira Orbegozo-Arcelorren ke eta berun isuriez.
- Zabor bilketa ere arazo bat dela ikusten dute eta ez dira ados agertu azkenaldian Sasieta Mankomunitateari zaborra biltzeko prezioa eta modua erabakitzeko eman zaion boterearekin.
4. Gizarte zerbitzuak:
- Etorkinekin eta baztertuekin lana egingo duen langile bat kontratatzea ere premiazkoa ikusi dute, beraien gizarteratzean laguntzeko.
- Bi herriotan dagoen trafiko arazoa dela eta bi herriak batera lan egin beharko luketela uste dute eta ez bakoitza bere kasa. Horretarako komisio bat egon beharko litzatekeela uste dute eta horren inguruko apostua egingo dute.
