
Larunbatean Aldirin zazpiehun bat ikusle bilduko dituela aurrikusten du Goierriko saskibaloi saileko kide Xabier Chicok. Goierri Verkol etxeko taldea Real Madrileko beteranoen kontra lehiatuko da. Urretxun izango dira Biriukov, Corbalan edo Brabender entzutetsuak, besteak beste. Oraindik Lopez Iturriaga eta Romay etor daitezen «negoziatzen» ari dira.
Sarrerak eskuratzeko modua badago oraindik. Goierrin, Huts tabernan eta Urretxuko nahiz zumarragako kiroldegietan daude salgai, bost euroan.