Zumarragako Arcelor-Mittaleko ELA, LABeta UGT sindikatuek, ESK-CUISen babesarekin CCOO-eko sekziosindikalak eta enpresako zuzendaritzak langileekiko duten jarrerasalatu zuten orain bi aste egindako prentsaurreko batean. Pasa denostegunean, Zumarraga eta Urretxuko kaleetan manifestazioa ere eginzuten, enpresako zuzendaritzari eta Enpresa Batzordeko CCOOsindikatuari langileekiko duten jarrera aldatzeko eskatuz.
Salaketa hauek gaitzetsi eta berebalorazioa egin asmoz, prentsaurrekoa eman zuen atzo CCOOek.
Hauteskunde sindikaletan gehiengo osoa
Hasteko, enpresa barruko azkenekohauteskundeetan gehiengo osoa eskuratu duela esan zuten CCOOekoordezkariek. Zeuden hamahiru ordezkarietatik zazpi. Hauteskundeetanparte hartze handia izan zen, %98koa azaldu dutenez eta erademokratikoan burutu ziren.
Arduragabekeriaz jokatzea leporatudiete beste sindikatuei
Irregulartasunak salatu dituztensindikatuek izandako jarrerak harritu ditu CCOOekoak. Enpresa barnekobide legalak erabili ez izana egotzi die, baita euren aldarrikapenakpubliko egin aurretik salaketa formalik ez jarri izana ere. CCOOareniritzian, Zumarragako Arcelor-Mittaleko langileen gehiengoa ez datorbat ELA, LAB, UGT eta ESK-CUISek azaldutakoarekin.
Horren adibide izan da hauen iritzizpasa den osteguneko manifestazioa. Kanpotik hiru autobus etorrizirela baieztatu dute, eta Zumarragako enpresako langileen partehartzea berriz, oso txikia izan zela.
Protesta ekitaldi hauek, ZumarragakoArcelor-Mittaleko langileen kontra doazela ulertzen du CCOOek.Arduragabeki jotzea leporatu diete ELA, LAB, UGT eta ESK-CUISi etalangileen egoera alde batera utzita, soilik euren interesakdefendatzeko estrategia izan dela ondorioztatu dute.
Enpresaren egoera
Krisiaren eraginez Euskal AutonomiaErkidegoko metalurgia enpresek bizi duten egoera, ez dela onenaaitortu dute. Produkzioak %60an egin du behera eta ondoriozArcelorrek azpikontratatutako langileen kopurua jaitsi du.Horregatik, egoerak horrela jarraitzen duen bitartean langileeninteresak defendatzeko lanean jarraituko dutela azpimarratu dute.
Erreakzioak:
Nestor Alvarez, Euskadiko siderurgia arloko CCOOeko arduraduna. (Laugarrena ezkerretik hasita)
- “Arcelorrek ez du oraingoz Espainia mailako ERErik (enplegu-erregulazioko espedientea) proposatu. Haatik, bestelako neurriak hartu ditu produkzioaren %60ko beherakadaren ondorioz”.
- “Siderurgiaren egoerak hemendik sei hilabetera hobera egitea espero da, orduan behin behineko langileek euren lanpostuetara bueltatzeko aukera izango dute”.
- “CCOO sindikatuak ez luke ERErik onartuko Arcelorren”.
- “Zumarragako Arcelorreko langileek, konpentsazio bat izango lukete, baldin eta egun batzuetarako lanik izango ez balute. Bergaran, ELAk gehiengoa duen enpresan, ez litzateke hori gertatuko”.
- “Pasa den asteko manifestazioa, ELAk diseinatutako eta gainontzeko sindikatuek bultzatutako estrategia bat baino ez da. Espainian fabrikaren bat itxiko balitz, gatazka gehien sortzen duen fabrika itxiko litzateke. Eta ELAk gatazka hori sortzeko deitu zuen manifestazioa”.
- “Langileen eta herriaren kontrako estrategia bat da”.
Jokin Cruz, Gipuzkoako CCOOeko metal arloko arduraduna. (Bigarrena ezkerretik hasita).
- “Denok dakigu lehen zenbat pertsonek egiten zuten siderurugian, baita zenbatek egiten duten gaur egun ere. Lana defendatu beharra dago”.
Jose Mari Alberdi, Zumarragako Arcelor-Mittal enpresako sindikatu saileko idazkari orokorra. (Hirugarrena ezkerretik hasita).
- “CCOO sindikatuaren aurkako kanpaina Enpresa Batzordean gehiengo osoa atera genuenean hasi zen”.
- “Herriko hainbat sektorek gure enpresa kriminalizatzeko joera dauka. Arraroa da, ingurumen gaietan hainbeste kritika jasotzea. Legazpin eta Bergaran ez dago partikula-neurtzailerik. Badakigu ez dugula airea garbi mantentzen laguntzen, baina kutsadura kontrolatzeko bideak jarri nahi ditugu. Mila milioi pezetako inbertsioa egin da egoera hobetzeko. Neurgailua, enpresarentzako kaltegarria, baina herriarentzako onuragarria den leku batean jarrita dago. Dena den, ados gaude kokalekuarekin”.
- “Abenduaren 4ko manifestazioan Zumarragako Arcelor-Mittaleko 60-70 langile baino ez zeuden. Langileen %12 edo 15a. ELA, LAB eta UGT-k 200 boto baino ez zituzten eskuratu hauteskundeetan. Sindikatu hauetako afiliatu askok ez zuen manifestazioan parte hartu gauza arraroak sumatzen dituztelako”.
- “Hauteskundeak ez zirela garbiak izan diote, baina ez dute inoiz horren aurkako ezer egin”.
- “Lanpostuak defendatuko ditugu, eraso ororen gainetik”.
Gaiari lotutako albiste gehiago otamotz.eus-en:
Arcelor-Mittaleko langileak kalean.
Arcelorreko langileek elkarretaratzea egingo dute gaur.
Arcelor-Mittal enpresako lan egoera salatu dute sindikatuek.
Arcelor-Mittalek 500 langile kaleratuko ditu.
