Mikel Serrano Zumarragako alkateak idatziz eta prentsa agerraldi baten bidez erantzun dio gaur Urretxuko Iñaki Zabala alkateak herenegun igorritako gutunari. Bertan Plan Bereziaren bilakaera ‘legearen barruan’ gauzatu dutela nabarmendu du eta alegazioen epea abuztuan izatearen inguruan, ‘abuztua hilabete baliagarria’ dela baieztatu du, Zumarragako Udalean hil honetan zerbitzuak eteten ez direla nabarmenduz. Urretxuko Udalak bide judizialei ekiten badie, bi Udalen arteko harremanak ‘birplanteatu’ egingo dituztela azpimarratu du Serranok, ‘nahiz eta horrek harremanak puskatuko ditugula esan nahi ez duen’, zehaztu du.
Egilea: Asier Zaldua.