 |
Julen Zubillaga Finala ikusi nuen. Tarteka, baina ikusi nuen. Ez naiz bertsozale amorratua, baina bertsolaritza gustatzen zait. Finalak maila ona eduki zuela uste dut. Nire faboritoa? Aitor Sarriegik irabaztea nahi nuen, nire irakaslea baita. Hala ere, Maialenek irabazita, ni pozik. |
 |
Aitor de Juan Ez nuen bertsolari finala jarraitu, Ederrenara joan bainintzen pilota partidak ikustera. Gainera, ez naiz oso bertsozalea. Badakit Egaña txapeldun ohiaz gain Amets Arzalluz eta Maialen Lujanbio zirela faboritoak, baina hortik aurrera… |
 |
Maria Jordana Normalean ez ditut bertso saioak jarraitzen, baina horrelako ekitaldi bereziek nire arreta pizten dute. Nire euskara maila ez da oso ona, baina zer edo zer ulertzen diet eta jarduera polita da. Lujanbioren garaipenak pozten nau. Irratian elkarrizketa egin zioten eta emakume kastaduna iruditu zitzaidan. |
 |
Mari Mendoza Finalaren egunean, Santa Lutzi eguna zenez, taberna lepo zegoen. Jendea musikarekin dantza egiten ari zen, baina Jon Maia telebistan azaldu zenean musika kendu genuen. Bukatu bitartean, bertsoak entzun genituen. Jendea adi-adi egon zen. Sekulako jendetza zegoen BEC-ean. 15.000? Harrigarria! |
